Dáriger inimmen sóılesem ǵoı. Kúıetin máselesi kóp. Jedel járdemde keıde shuǵyl aıaǵy aýyr áıel sý ketti, qan ketti dep shaqyrtý túsedi. Qıqýlatyp basyp baramyz. Maqsat bireý - áıeldi tez roddomǵa jetkizip, ishtegi balasy ekeýin aman alyp qalý.
Jetip kelsek, esik aldynda jıyrmadan endi asqan, qaba saqaly keýdesin japqan bir jas bala qarsy alady. Áıel dáriger bolmasa, úıge kirmeısiń dep esik aldynda turyp alady. Áı, áıelińdi qazir jetkizbesek, balańnan aıyrylasyń desem, bala ólse-óle bersin, áıel dáriger kerek dep qatyp qalady deıdi.
2 mln halyq turatyn qalada mınýt saıyn shaqyrtý túsedi. Operator onyń qaısysyna áıel dáriger, erkek dáriger dep bólip otyrady. Sodan bas tartamyn dep jazyp, óziń taksımen jetkiz dep amalsyz ketip qalamyz deıdi.
Bul neni kórsetedi? Dinı radıkalızm adamnyń boıyndaǵy meıirim, aıaý, qamqorlyq degen tabıǵı gýmanıstik qasıetti de óltirýi múmkin.
Radıkaldy baǵytqa kóbine jastaı bazarǵa, taksılikke, qurylysqa, keıde sportqa ketken jigitter tez urynady. Báribir bilim kerek, kemi 4 jyldyq akademııalyq bilim alǵan adamnan úmit bar.
