Jekeme hat kelipti. Post qylyp shyǵaryńyzshy degen ótinishpen. Oqyp otyryp oılanyp qaldym. Shynymen de, demokratııaly qoǵam qurýymyzǵa bılik, jemqorlyq, aqyr aıaǵy Kreml kináli eken. Al sol demokratııaly elder sııaqty mańaıymyzdy taza ustasaq kim kedergi? Hosh, hat sóılesin.
"Jastar, uldar, jasóspirimder (ishinde múmkin qyzdar da bar bolar, múmkin buny istegen jastar emes erkekter de bolýy múmkin) sender elderińe jaqsy ózgeris, jańa demokratııaly qoǵam quryp bere almadyńdar-myna júıeni jeńe almaı aıtqanyna kóndińder, jaqsy ómirdi ákelerińe, analaryńa, halqyńa jasaı almadyńdar, járáıdi oǵan da bárimiz kinálimiz, bárine kóndigip júrmiz. Eń qurǵanda taza júrý, turyp jatqan jerińdegi aýlańdy búldirmeı shashpaı, qıratpaı, turyp jatqan úıińdegi lıft, baspaldaqtardy búldirmeı temeki tartyp bótelke qaldyǵy t.b.qoqym-qoqystardy tastap lastamaı júrýdi úırenip boılaryńa darytsańdar etti .Osy kishkentaı isti isteý qoldaryńnan keletin shyǵar-aqyry eldi jańa demokratııaly elge aınaldyra alýǵa kúshimiz kelmeı bireýden qorqyp otyrady ekensińde.
Bu neni aıtyp otyr ózi dep otyrǵandarǵa túsinikti qylyp jazaıyn. Qazaqtyń basynda ne bar kredıt bar jáne bolǵanda da 2-3-ten ekenin bárimiz bilemiz.Sol kredıtti tóleý úshin jaqyn ǵoı dep kóp adamda úıleriniń mańaıyndaǵy ksk t.b. jerlerge sypyrýshy, eden jýýshy bop jumysqa turatyny kóp. Sol kredıtter úshin 12 qabatty jańadan salynǵan mıkroaýdan TK(jk dep atap ketken) eden jýýshy bop turdym. 12qabatty úıdiń 3-ýin bir adamǵa bekitip tazalaýǵa beredi eken. Bir áıel 72 qabatty+baspaldaqtar jaǵyn + 2lıftini jýý ońaı sharýa emes.
Sol bekitilip berilgen 3 úıdiń bireýin bir kúnde jýyp shyǵýyń kerek. 2 podezdi , 12+12=24 qabatty jýyp shańdaryn súrtip shyǵýyń kerek. Jalaqysy — 80myń teńge. Tańǵy 8-den keshki beske deıin grafıgi. Búgin 24qabatty jýǵan áıel erteńine qolyn kóterip tura ala ma joq pa, onymen eshkimniń isi joq. Aıqaılap otyrǵan bastyqtar, jýsa da jýmady deı beretin turǵyndar. 5 kún buryn 24 etajdyń tap-taza qylyp jýyp ketken baspaldaq jaqty(lestnıa jaǵy bólek)kórgende ókirip turyp jylap otyryp qaldym. 5 kún buryn qınalyp turyp tazalap jýǵan baspaldaqtar temeki, kola, ishimdik bótelkeleri, bótelke synyqtary,tipti bótelkege sıip quıyp qoıǵan, odan qalsa úlken dáretke otyryp betin chıpsydyń qaǵazymen jaýyp qoıǵan.
Bundaı sumdyq nastyq, ońbaǵandyq, tártipsizdik esh elde joq-aý. Osynyń bári 12-shi qabattan 1-shi qabatqa deıin istelgen, bylǵanysh. Bireýler jýatyn áıelderge ońaı bolmasyn dep ádeıi istep ketken dep oılaǵyń kep-aq turady. Dalany jınap júrgen kileń qazaq kisiler, alpysqa taıap qalǵan qarttaý adamdar olar da tańǵy 5-ten túski 4-ke sheıin dalany jınap bite almaı júrgenderi. Kúndegisi osy qoqysty tonnalap esiktiń aldyna úıip ketedi, qoldarymen aparyp qoqys tastaýǵa erinetinderi úıinen shyǵyp tastaı salady. Kónbis, momyn qazaq shaldar úndemeı sóz de aıtpaı jınap arbaǵa salyp qoqysqa aparyp tógip jatqandary.
Dalany da shashady, úıdiń baspaldaqtaryn da shashady. Dalany jınap júrgen ákesindeı qazaq qartty da aıamaıdy, úıdiń baspaldaǵyn, lıftisin, etajyn jýyp júrgen anasyndaı qazaq áıelderin de aıamaıdy-táýliktep shashýdy, qoqys tastaýdy ǵana biletin urpaq, jastar, uldar, balalar ósip shyqqan eken.
Áskerge jibergen balany sýııd dep óltire salyp, ózi aýyrdy, minezi ózgerdi dep-ótirikti sýdaı sapyryp qazaq balalaryn qyryp joq qyp jatqan áskeri bar-ne degen 'kemeńger"edik...
Barlyq jaǵynan alyp qarasań da álimjettik, shashý, búldirý, tonaý.
Al elińdi kim kórkeıtedi? Kórkeıtedi degen "álgiler" me, minbede ejelep qazaqsha sóıleı almaı turǵan?
Orys pen qytaı bar baılyǵyńdy talap ap jatqanda ,eldegilerdiń biletini tek shashý, tóbelesý, óltirý ǵana eken istep jatqan tirlikteri.
Aıtqym kelgeni jan-jaǵymyzdy kúteıik, ishki mádenıetimizdi túzeıik, syrtqy mádenıetti túzeıik, júrgen jerińdi shashyp bylǵaı bermeı bir mezgil jınap júrgen áıelder men kósheni esigińniń aldyn sypyryp berip júrgen qarttardyń eńbegin baǵalaıyq. Shashpaıyq. Ákeńdeı, anańdaı adamdar jınap júr ǵoı-bir mezgil oılanyp qoıyńyzdar turatyn jerlerińdi lastaı bermeı .
Jáı sózben aıtqan shynaıy bolmaı qalǵan sııaqty, negizi shashylǵan jerlerdi kózben kórgende ǵana mynany istegen adam ba álde..., der edińizder...
Aqyry durys demokratııaly qoǵam jasap, ózgeris jasaı almadyq, eń qurǵanda turǵan jerińdi lastamaýdy úırenińizder, jastar, balalar,uldar, erler!
Ońǵar myrza, aty-jónimdi jazbaı-aq qoıyńyzshy. Osy jumys istep aqsha taýyp otyrǵan jumysymnan aıyrylyp qalarmyn".
Ońǵar QABDEN.
