Reseı Qazaqstannyń soltústigi men shyǵysyn gazben qamtı ma?

2877
Adyrna.kz Telegram

Qazaqstan bıligi eldiń soltústigi men shyǵysyndaǵy qalalardy gazdandyrý boıynsha búginde eki nusqa qarastyrylyp jatqanyn jetkizdi. Sonyń biri  — Reseıden keletin gaz magıstraldarynyń qurylysy. Bul týraly búgin Úkimet otyrysynda QR Energetıka mınıstri Maǵzum Myrzaǵalıev málimdedi dep habarlaıdy «Adyrna» ulttyq portaly  TASS agenttigine silteme jasap.

«Búginde Petropavl, Kókshetaý, Óskemen, Semeı, Pavlodar qalalary gazben qamtamasyz etilmegen. Bul rette bul qalalardy gazdandyrýdyń mynadaı nusqalary bar: «Saryarqa» magıstraldyq gaz qubyryn jalǵastyrý nemese Reseı Federaııasynan magıstraldyq gaz qubyrlaryn tartý», ​​- dedi M.Myrzaǵalıev.

Onyń aıtýynsha, jyl sońyna deıin «Gazprom» men «Qaztransgaz» soltústik jáne shyǵys aımaqtardy gazdandyrý boıynsha esep-qısaptardy júrgizip, qolaıly nusqany ázirleıdi.

«Saryarqa gaz magıstraldyq jelisi jobasy aıasynda qazirgi tańda jergilikti atqarýshy organdar gaz taratý jelilerin salýda. Qurylystyń aıaqtalýy Nur-Sultan, Qaraǵandy, Temirtaý, Jezqazǵan qalalaryndaǵy buryn kómirmen jylytylatyn 70 myńǵa jýyq úıdi gazben qamtamasyz etýge múmkindik beredi», - dep túsindirdi Energetıka mınıstri.

Ol búginde elimizde gazdandyrý úlesi 54,3 paıyzdy quraıtynyn atap ótti. Al  2025 jylǵa qaraı bul kórsetkishti 60 paıyzǵa jetkizý kózdelip otyr.

 

«Adyrna» ulttyq portaly.

Pikirler