QR Qorǵanys mınıstrligi Qazaqstanǵa reseılik qarý-jaraq pen áskerı tehnıkany jetkizý týraly aqparatqa baılanysty túsinikteme berdi dep habarlaıdy "Adyrna" ulttyq portaly "Zakon.kz-ke" silteme jasap.
"2021 jyly Reseı tarapy Qazaqstan Qarýly Kúshteriniń múddesi úshin "Orlan-10E" UUA bar kópfýnkıonaldy keshendi ǵana jetkizedi", - dep naqtylady vedomstvodan.
Sonymen qatar, "Sý-30SM" ushaqtary, "Mı-35M" tikushaqtary, "Býk-M2E" zenıttik zymyran kesheni, "BTR-80" jáne "BTR-82A" bronetransporterleri, sondaı-aq atys qarýyn Qazaqstan ótken jyldary satyp alǵan.
"Qazaqstan armııasynyń qarý-jaraǵynda "Taıfýn-K" jeńil brondalǵan avtomobılderi joq ekenin qosymsha habarlaımyz", — dep tolyqtyrdy baspasóz qyzmeti.
Buǵan deıin reseılik jańalyqtar saıttarynyń birinde Reseı Aýǵanstandaǵy qaqtyǵys kezinde Qazaqstan men Ózbekstanǵa áskerı jetkizilimderdi jedeldetkeni aıtylǵan bolatyn.
"Adyrna" ulttyq portaly.