Sınoptıkter aqpan aıyna arnalǵan aýa raıy boljamyn jarııa etti, - dep habarlaıdy "Qazgıdromet".
Konsýltatıvtik boljamǵa sáıkes aqpan qarly, Atlantıka aýdandary men Kaspııdiń ońtústiginen ıklondardyń jıi ótýine baılanysty eldiń soltústiginde 15-20 m/s deıin jel kúsheıip, qar jaýyp, boran soǵyp, ońtústiginde jaýyn-shashyn, tuman jáne kóktaıǵaq bolady dep boljanyp otyr.
"Aýa temperatýrasy: soltústik jartysynda túnde 25...35 aıaz, kúndiz 15...25 aıaz; ońtústik jartysynda 10...20 aıaz, kúndiz 5...10 aıazǵa deıin tómendeıdi. Nátıjesinde aýanyń ortasha aılyq temperatýrasy Batys Qazaqstan, Atyraý, Mańǵystaý, Aqtóbe, Qostanaı, Qyzylorda, Ońtústik Qazaqstan, Jambyl jáne Almaty oblystarynda normadan 1 gradýsqa joǵary, al qalǵan aýmaqta normaǵa jýyq bolady dep boljanady", - dep habarlady "Qazgıdromet" ókilderi.
Sınoptıkterdiń málimetinshe, jaýyn-shashynnyń aılyq mólsheri Qostanaı, Soltústik Qazaqstan, Aqmola, Qaraǵandy, Pavlodar jáne Shyǵys Qazaqstan, Batys Qazaqstan, Aqtóbe oblystarynda jáne Ońtústik Qazaqstan, Jambyl men Almaty oblystarynyń taýly jáne taý bókterindegi aýdandarynda normaǵa jýyq jáne odan kóp, al qalǵan aýmaqta normadan az túsedi dep boljanady.
"Qazgıdromet"
