Prezıdent sapary: Qaraǵandy oblysy 51,7 mln teńgeni nege jumsady?

1189

Qaraǵandy ​​oblysy Prezıdent Qasym-Jomart Toqaevtyń sapary úshin  51,7 mıllıon teńge jumsaǵan. Bul týraly Protenge telegram kanaly málimdedi dep habarlaıdy "Adyrna" ulttyq portaly. 

"Aqshanyń naqty ne úshin jumsalǵany belgisiz. Memlekettik satyp alý saıtynda tehnıkalyq sıpattama kórsetilmegen. Olar 51,7 mıllıonǵa Memleket basshysynyń "Joshy han" tarıhı-mádenı keshenine jumys sapary aıasyndaǵy  is-sharany daıyndap, ótkizgeni belgili",- dep jazylǵan kanalda.

Aıta keteıik, 20 qazan kúni Prezıdent Toqaev Qaraǵandy oblysyna jumys saparymen barǵan bolatyn. Sapar aıasynda  ol Ulytaý aýdanyndaǵy "Joshy han" tarıhı-mádenı keshenin aralap kórdi. Oblys ákimi Jeńis Qasymbek óńirdiń týrıstik áleýeti týraly baıandama jasap, Prezıdentke kýrorttyq aımaqtar men tarıhı-mádenı keshenderdi damytý josparyn usyndy.

 

"Adyrna" ulttyq portaly.

Pikirler
Redakııa tańdaýy