Aýǵanstan jerinen Qytaıǵa eshqandaı kúsh qaýip tóndire almaıdy. Bul týraly búgin, 26 qazanda Dohada "Talıban" úkimetindegi Syrtqy ister mınıstrliginiń basshysy Amır Han Mottakı Qytaı Halyq Respýblıkasynyń Syrtqy ister mınıstri Van Imen ótken kelissózde málimdedi.
"Aýǵanstandaǵy tálipter eshbir jaǵdaıda eshkimge nemese syrtqy kúshterge Aýǵanstan aýmaǵyn Qytaıǵa qaýip tóndirý úshin paıdalanýǵa ruqsat bermeıdi", - dep keltiredi Qytaı Syrtqy ister mınıstrliginiń saıty Mottakıdiń sózin. "Aýǵanstan bolashaqta óziniń qaýipsizdigi men turaqtylyǵyn qamtamasyz etý úshin barlyq kúsh-jigerin salady jáne sonymen birge aımaqtyq beıbitshilik, tynyshtyq pen qaýipsizdikke úles qosady",-dedi Mottakı.
Qytaı tálibterge qarjylaı kómek berýge ázir, alaıda ol úshin "Talıban" terrorlyq toptardy qoldaýdan bas tartýy tıis.
"Adyrna" ulttyq portaly
