Búgin Ózbekstanda Prezıdent saılaýy bastaldy. Saılaý ýchaskeleri jergilikti ýaqyt boıynsha 08.00-den 20.00-ge deıin jumys isteıdi dep habarlaıdy "Adyrna" ulttyq portaly "RIA Novostıge" silteme jasap.
Eldegi bes resmı saıası partııa kandıdattaryn tirkedi. Sarapshylardyń pikirinshe, saılaýda jeńiske jetetin basty kandıdat - 64 jastaǵy Shavkat Mırzıeev.
Ózbekstannyń ortalyq saılaý komıssııasynyń málimetinshe, 19,86 mıllıon saılaýshy bar, 14 saılaý komıssııasy qurylyp, 10 760 saılaý ýchaskesi daıyndalǵan. Saılaý kúni túrli sebep boıynsha tańdaýyn jasaı almaıtyn 420 myń adam 14-20 qazan aralyǵynda aldyn ala saılaýǵa qatysqan. Kandıdat jeńiske jetýi úshin keminde 50 paıyz daýys jınaýy kerek.
Saılaýdy 64,5 myń adam baqylaıdy, onyń ishinde 50 elden kelgen 970 halyqaralyq baqylaýshy bar.
"Adyrna" ulttyq portaly.
