Byltyr Atyraýda júz áıel dinı kózqarasy úshin óz úılerinde bosanǵan
Sońǵy kezderi Atyraýda perzenthanaǵa barmaı úıde bosanatyndardyń qatary kóbeıip jatyr. Olar dinı kózqarastary úshin dárigerlerdiń kómeginen bas tartady eken. Bul týraly Atyraýda ótken Májilistiń áleýmettik-mádenı damý komıtetiniń kóshpeli otyrysynda aıtyldy.
Atyraý oblysynda bala týý kórsetkishi tómendegen. Jáne bala men ana ólimide. Byltyrǵy jyly óńirde 16 556 sábı dúnıege kelgen. Onyń 923-i mezgilinen buryn dúnıe esigin ashqan. Sondaı-aq, óńirde 15 pen 17 jas arasyndaǵy jastardyń júktiligi joıylmaı tur. 91 jasóspirim jas ana bolsa, qalǵany (15 adam) túsik jasatqan.
Atyraý oblysy densaýlyq saqtaý basqarmasy basshysy Mánshúk AIMYRZAEVANYŃ aıtýynsha, sońǵy kezde sharıǵatqa qaıshy dep perzenthanaǵa barmaı úıde bosanatyndardyń sany artqan. Byltyr júz áıel óz úılerinde sábıli bolǵan. Olar medıınalyq qyzmetke dinı kózqarastary úshin júginbeıdi eken. Budan ózge oblysta dárigerler jetispeıdi.
- Bizdegi kóptegen medıınalyq joǵarǵy oqý oryndary jyl saıyn júzdegen dárigerlerdi daıyndap shyǵady. Alaıda, medıınalyq qyzmetkerler jetispeıdi. Ol oqý oryndaryna qyrýar qarajat jumsalady. Biz bıýdjetti qabyldaǵanda bunyń bárin kórip otyrmyz ,- deıdi depýtat Ivan KLIMENKO. Májilismenniń aıtýynsha, jastar eńbekaqynyń azdyǵynan dáriger bolýǵa yntaly emes.
http://www.ratel.kz
Foto: diapazon.kz.
