Aron Atabektiń qyzy ákesimen kezdese almaı júrgenin málimdedi

1803

Aqyn, dıssıdent Aron Atabektiń qyzy Aıdana Aıdarhan ákesimen kezdese almaı júrgenin jetkizdi. Bul týraly ol áleýmettik jelidegi paraqshasynda jazdy, dep habarlaıdy «Adyrna» tilshisi.

«Men árqashan sizdiń bostandyqqa shyqqan kúnińizdi elestetip, oǵan senetinmin. Biraq densaýlyǵyńyz nasharlap, qoldan jasalǵan jańa shyrmaýǵa túsesiz dep oılamadym. Ózińizdi mıfologııa men ádebıettegideı erbers, Medýza Gorgon, dementorlar men nazgýlalar qorshaýǵa aldy.

Siz bostandyqqa shyǵady degen kúnnen bastap ózińiz týraly jazylǵan bar aqparatty áleýmettik jelilerden bilip otyrmyz. Polıeıler ápkeńiz Rázııa Nýtýshevanyń úıine aparǵannan keıin jaqyn aralyqta otbasyńyzǵa, úıge oralatynyńyzǵa sengen edim. Alaıda meniń tátem, múmkin bireýdiń qysymy bar shyǵar, buǵan jol bermeı otyr. Aýyr naýqas adamǵa kútim jasaǵany úshin kóp rahmet. Rázııa tátem seniń emdelýińe aqsha jınaý jaýapkershiligin de óz moınyna aldy»,– dedi ol.

Aıdana osy aralyqty ákesimen eki-aq ret kezdesken.

«Siz «bostandyqqa» shyqqan 18 kúnniń ishinde men sizdi eki ret qana kórdim. Buny kóp adam bilmeıdi. 15 jyldan soń qaıta qaýyshqan kezde men ákemdi kún saıyn kóremin dep oıladym, tipti jaqyn arada ózimizben alyp ketemiz dep úmittendim. Biraq sizdi jibermeı otyr, aldymen olar bizdi jaı ǵana elemedi, endi «kovıd» pen «karantındi» alǵa tartyp, telefonmen sóılesýge ruqsat bermeýde. Olar tipti az ǵana ýaqyt júzdesýge, hattar men sálemdemeler jiberýge de tyıym saldy. "Bosatylǵannan" birneshe kún ótken soń, sizdi shuǵyl túrde kovıd aýrýhanasyna apardy, biraq Rázııa tátem jáne onyń aınalasyndaǵylar koronavırýs synaǵy teris bolǵanyn habarlady. Bul jańalyq bizdi qatty qýantty!

Odan soń qaıtadan tátemniń úıine apardy. Eski emdelmeıtin aýrýlar qataryna pnevmonııanyń qosylǵanyn jarııalady. Dárigerlerdiń "pnevmonııadan", al qazir "kovıdten" qalaı emdep jatqandaryn, sizge qandaı dári-dármekterdi taǵaıyndaǵanyn bilmeımiz.

Ekinshi kezdesýimiz qysqa boldy. Men uzaq jyldardan keıin ózińizben ońasha qalyp tildestim. Betpe-bet otyryp, ishki syrlarym men qalaı jaqsy kóretinim týraly aıttym. Sondaı-aq úıimizge kóship, birge jumys isteýdi usyndym. Sizdiń qoljazbalaryńyz áldeqashan terilip qoıǵan. Men sizge kómektesip, qorǵanyńyz bolǵym keledi.

Rázııa tátege habarlastyq, óıtkeni sizben tikeleı baılanys joq. Alaıda ol naqty jaýap bermeı, áńgimeni basqa arnaǵa buryp jiberdi. Osy demalys kúnderi men sizdi úıge alyp ketýge tyrysyp, qasyma týystarymdy, táýelsiz jýrnalısterdi jáne qoǵam qaıratkerlerin ertip ózińizge bardym. Tátem maǵan qaqpany da ashpady, telefonmen sóılesýge múmkindik bermedi jáne sizdiń «sóıleı almaıtynyńyzdy» jetkizdi. Qyzynyń ákesimen sóılesýge quqyǵy joq pa?» – dep jazdy Aıdana Aıdarhan.

«Adyrna» ulttyq portaly

Pikirler
Redakııa tańdaýy