Búgin – Sanjar Asfendııarovtyń týǵan kúni

4320
Adyrna.kz Telegram

Bıyl kórnekti memleket jáne qoǵam qaıratkeri, daryndy ǵalym-tarıhshy, professor, pedagog Sanjar Asfendııarovtyń týǵanyna 132 jyl tolyp otyr, dep habarlaıdy «Adyrna» tilshisi.

Ol 1889 jyly Tashkent qalasynda ómirge kelgen. 1907 jyly jaratylystaný, matematıka pánderin tereńdete oqytatyn Tashkenttegi realdyq ýchılıeni bitirdi.

Sanjar Japaruly – tuńǵysh qazaq dárigerleriniń biri, Almaty medıınalyq ınstıtýtynyń (qazirgi Qazaq ulttyq medıına ýnıversıteti) uıymdastyrýshysy jáne tuńǵysh rektory (1931-1933 jj.).

Ol ınstıtýtta jalpy hımııa, bıologııa, fızıka pánderimen birge anatomııa, fızıologııa, ishki aýrýlar, gıstologııa, mıkrobıologııa, farmakologııa, bıologııalyq hımııa, gıgıena bólimderin jáne hırýrgııa kafedrasyn ashty. S.J.Asfendııarov juqpaly aýrýlardyń aldyn alý sharalaryna, halyqqa aqysyz dárigerlik kómek kórsetý jumystaryn jolǵa qoıdy. Halyq arasynda jıi kezdesetin ókpe (qurt aýrýy), sheshek, oba, súzek, teri aýrýlaryna qarsy medıınalyq kómek isin jandandyrdy.

«Adyrna» ulttyq portaly

Pikirler