«Qazaqstan» teleradiokorporasiiasynda bırqatar kadrlyq özgerıster oryn aldy. Maqpal Jūmabai «Balapan» arnasynyŋ direktory qyzmetıne keldı. Al, osy arnany basqaryp kelgen Janar Şämel «Qazaqstan» RTRK AQ töraǧasynyŋ keŋesşısı qyzmetıne taǧaiyndaldy.
Janar Şämel «Qazaqstan» Ūlttyq telearnasyndaǧy taŋǧy baǧdarlamalardyŋ jürgızuşı qyzmetınen bastaǧan. Ūzaq jyldar «Taŋşolpan» habarynyŋ tıkelei efirın jürgızıp, şef – redaktor, prodiuser qyzmetterın atqardy. 2010 jyly Elbasynyŋ bastamasymen aşylǧan tūŋǧyş «Balapan» telearnacynyŋ negızın qalauşylardyŋ bırı, alǧaşqy direktory boldy. Ana tılımen qosa aǧylşyn, urdu, hindi tılderın meŋgergen.
Maqpal Jūmabai alǧaşqy eŋbek jolyn respublikalyq «Ana tılı» ūlt gazetınıŋ tılşısı bolyp bastaǧan. Är jyldary «Qazaqstan» telearnasy taŋǧy baǧdarlamalar bırlestıgınıŋ redaktory, şef-redaktory, sondai-aq, «Balapan» arnasynyŋ şef-redaktory, prodiuserı qyzmetterın atqarǧan. Memlekettık “Daryn” Jastar syilyǧynyŋ, QR Prezident qory grantynyŋ iegerı.
Ausatov Äzımhan «Qazaq radiolary» JŞS Bas direktorynyŋ orynbasary qyzmetıne, «Qazaq radiosynyŋ» direktory lauazymyna Näzira Berdaly, «Şalqar» radiosynyŋ direktory bolyp Qalqaman Sarin taǧaiyndaldy.
Äzımhan Ausatov är jyldary «Qazaq radiosynda» redaktor, aqparatty-saraptamalyq jäne taŋǧy baǧdarlamalar redaksiiasy jetekşısınıŋ orynbasary, aimaqtar redaksiiasynyŋ jetekşısı, şef redaktory qyzmetterın atqaryp keldı.
Nazira Berdaly eŋbek jolyn «Qazaqstan» telearnasynda taŋǧy baǧdarlamalardyŋ redaktory bolyp bastaǧan. Är jyldary televiziia salasynda jürgızuşısı, şyǧarmaşylyq toptyŋ jetekşısı, bas redaktordyŋ orynbasary bolyp qyzmet ettı. QR Prezidentınıŋ ädebiet salasyndaǧy syilyǧynyŋ iegerı.
Qalqaman Sarin 2013 jyly «Astana» telearnasynda «Keş emes» saiasi-äleumettık tok-şouynyŋ jäne 2016 jyly «Qazaqstan» arnasynda «Oi-tolǧau» baǧdarlamasynyŋ jürgızuşısı boldy. Memlekettık “Daryn” Jastar syilyǧynyŋ, QR Prezident qory grantynyŋ iegerı.
"Adyrna" ūlttyq portaly
