Mańǵystaý oblysynda 2,1 trln teńgege damý jobalary júzege asyrylady

261
QR Premer-Mınıstri Asqar Mamınniń tóraǵalyǵymen ótken Úkimet otyrysynda Mańǵystaý oblysynyń 2025 jylǵa deıingi áleýmettik-ekonomıkalyq damýynyń keshendi jospary qaraldy dep habarlaıdy "Adyrna" ulttyq portaly.
Ulttyq ekonomıka mınıstri Áset Erǵalıev, ındýstrııa jáne ınfraqurylymdyq damý mınıstri Beıbit Atamqulov, energetıka mınıstri Maǵzum Myrzaǵalıev, ekologııa, geologııa jáne tabıǵı resýrstar mınıstri Serikqalı Brekeshev, aýyl sharýashylyǵy mınıstri Erbol Qarashókeev, eńbek jáne halyqty áleýmettik qorǵaý mınıstri Serik Shápkenov, «Samuryq-Qazyna» AQ basqarma tóraǵasy Almasadam Sátqalıev, Mańǵystaý oblysynyń ákimi Nurlan Noǵaev baıandama jasady.
Úkimet basshysy Mańǵystaý oblysynyń damý áleýeti joǵary óńir ekenin atap ótti. 2,1 trln teńge somasyna Keshendi jospardyń 214 is-sharasyn iske asyrý oblystyń damýyna jańa serpin beredi. Negizgi kapıtalǵa ınvestıııa 2 ese ulǵaıady jáne 2025 jyly 1,2 trln teńgeni quraıdy. Óńir ekonomıkasy 32%-ǵa ósedi.
Premer-Mınıstr óńirdiń taıaý jyldardaǵy negizgi mindeti munaı-gaz sektoryn, óńdeý ónerkásibin, týrızmdi, kólik pen logıstıkany jáne t.b. damytý bolýy tıis ekenin atap ótti.
Mańǵystaý oblysynda áleýmettik, ınjenerlik-kommýnaldyq ınfraqurylymdy damytý boıynsha jobalar iske asyrylady. Qabyldanǵan sharalar esebinen óńir halqynyń 100%-y sapaly aýyz sýmen qamtamasyz etiledi.
"Keshendi jospardy iske asyrý 2025 jylǵa qaraı 60 myńǵa jýyq jańa jumys oryndaryn qurýdy, ónerkásip kóleminiń 27%-ǵa ósýin, halyqtyń naqty tabysynyń 40%-ǵa ósýin jáne jalpy óńir turǵyndarynyń ómir súrý sapasy men ál-aýqatyn jaqsartýdy qamtamasyz etedi", — dedi A. Mamın.
Eńbek jáne halyqty áleýmettik qorǵaý mınıstrligine oblys ákimdigimen birlesip, jańa jumys oryndaryn qurý, eńbek qatynastaryn retteý jáne kásiporyndarda eńbekaqy men eńbek jaǵdaıynda sáıkessizdikke jol bermeý máselelerine erekshe baqylaýdy qamtamasyz etý tapsyryldy.
Úkimet basshysy Mańǵystaý oblysynyń 2025 jylǵa deıingi áleýmettik-ekonomıkalyq damýynyń bekitilgen keshendi josparynyń ýaqtyly jáne sapaly oryndalýyn qamtamasyz etýdi tapsyrdy.
"Adyrna" ulttyq portaly 
Pikirler
Redakııa tańdaýy