Ädılet Rahmetolla-İnstagramda tanymal videobloger. 1992 jyly Jambyl oblysy, Qordai audany, Kenen Äzırbaev auylynda düniege kelgen. Otbasynda atasy, äkesı, äkesınıŋ aǧasy video tüsırumen ainalysatyn bolǧan. Sol kısılerdıŋ video tüsırgenıne qarap, özı de osy ıske ülken qyzyǧuşylyq tanyta bastaǧan. Almaty qalasyna Q.Sätpaev atyndaǧy Qazaq Ūlttyq tehnikalyq universitetıne oquǧa tüsse de, studiialarda fotograf retınde jūmys ıstegen. Qazaqstan Ūltttyq arnasynda, «Hit Tv», «Asyl arna» telearnalarynda operator retınde qyzmet atqarǧan. Keiın öz-özıne jūmys jasaudy jön köredı. Qazır dron ūşyryp, Qazaqstannyŋ köz tartar ädemı jerlerın videoǧa tüsırıp, ony adamdarmen bölısedı. Sondyqtan ony «Dronnyŋ atasy» dep te ataidy.
-Videograftyŋ talanty nemen ölşenedı dep oilaisyz? Közqaraspen be, oimen be, älde qabyldaumen be?
-Är adam öz jūmysyn jaqsy körse, ol daiaşy nemese etıkşı bolsa da, qarjyger bolsa da sol ıstıŋ jemısın jeitını anyq.
-Sız ädemı, körıktı jerlerdı tüsıretınıŋızdı bılemız. Sız bır lokasiiany aldyn-ala josparlap baryp tüsıresız be, älde körgen sätte lezde tüsırıp alasyz ba?
-Keide josparsyz tüsırılımder bolady. Jaŋbyr jauyp, būlttar tömen ūşyp, künnıŋ bastysy, taŋnyŋ atqany ädemı bolyp tūratyn kezder bolady. Küzdıŋ özındık ädemılıgı bar. Qysta alǧaş qar jauǧan kezde, aiaz bolyp qar qyraulanǧan sätte öte ädemı bolady. Mamyr aiynyŋ soŋyna qarai qyzǧaldaqtar şyǧyp Oŋtüstık qūlpyrady. Sondai körınısterdı däl uaqytynda tüsırıp ülgeruge tyrysamyn. Keide josparlap barǧan jer men oilaǧandai ädemı bolmai qalyp jatatyn sätter bolady. Al mülde josparlamaǧan jerler qarasaŋ köz toimastai sūlu bolyp şyǧady. Sondyqtan qandai jaǧdai bolsa da sättı kadr aluǧa tyrysamyn.
-Qai jyl mezgılın tüsırgendı ūnatasyz?
-Maǧan şyny kerek, barlyq jyl mezgılı ūnaidy. Är jyl mezgılınıŋ özındık tartymdylyǧy bar. Bıraq jaqsy köŋıl-küi syilaityn köktem mezgılı şyǧar. Qystan şyqqan soŋ, energiiaǧa tolyp, jadyrap jüretındıkten köktem säl köbırek ūnaidy.
-Tüsırılım barysynda qandai qyzyqtar bolyp tūrady?
- Sapar barysynda ärtürlı qiyndyqtar bolady. Tauǧa barsaŋ tünge qalyp qoiasyŋ. Al tauda tünge qaluǧa bolmaidy. Adasasyŋ, jelı ūstamaidy. Sondai situasiialarǧa tap bolyp qalǧan jaǧdaida, şyǧatyn jol ızdeu kerek. Sol maŋaidaǧy adamdarmen söilesıp üirenu kerek.
«Men üşın barlyǧy adamgerşılıkpen ölşenedı. Adam qanşa jerden käsıbi maman bolsa da,ortaǧa eŋ aldymen mınez-qūlqymen syiady. Kino älemıne ötsem eken degen armanym bar. Adamdarǧa bar jaqsylyqty nasihattaityn, ata-anany syilaudy, dosqa adal boludy üiretetın kino tüsırgım keledı. Ömırde şynaiy jolmen jetıstıkke jetken adamnyŋ ömırın körsetkım keledı. Oǧan da bır künı jetermın.
Jas videograftarǧa aitarym bırden aqşanyŋ soŋynan jügırmeu kerek.Jarty jyl bolsa da tegın jūmys ıstep köru kerek. Täjıribe jinau kerek. Sen qanşalyqty täjıribelı maman bolasyŋ, aqşa senıŋ artyŋnan jügıredı. Senıŋ sapaly maman ekenıŋdı körgen jan ärqaşan aqysyn töleuge daiyn bolady»-deidı söz soŋynda Ädılet.
Sūhbatty daiyndaǧan Jaina Moldaǧali
"Adyrna" ūlttyq portaly
