2022 jyldyŋ qaŋtar aiynan bastap qazaqstandyq mektepterde bırınşı synyp oquşylary sifrlyq sauatyn aşady.Üşınşı toqsanda oqu baǧdarlamasyna alǧaş ret «Sifrlyq sauattylyq» pänı engızıledı, dep habarlaidy “Adyrna” ūlttyq portaly BǦM saityna sılteme jasap.
«Oqu baǧdarlamasy sūranys pen uaqyt talaptaryna säikes boluy tiıs. Bügıngı taŋda sifrlyq älemnıŋ qarqyndy damyp jatqanyn körıp otyrmyz. Qazır smartfondar men kompiuterlerdı mektepke deiıngı kışı jastaǧy balalar paidalanyp jatady. Sifrlyq sauattylyq – oqu men jazu siiaqty negızgı daǧdylardyŋ bırıne ainalyp keledı. Sondyqtan balalardy sifrlyq sauattylyq jäne aqparattyq qauıpsızdık negızderıne mümkındıgınşe erterek üiretu maŋyzdy. Älbette, jaŋa pändı oqytu barysynda balalardyŋ jas erekşelıkterı de eskerıletın bolady», – dep atap öttı QR BǦM Mektepke deiıngı jäne orta bılım komitetınıŋ töraiymy Gülmira Kärımova.Sonymen qatar 4-synypqa arnalǧan «Aqparattyq-kommunikasiialyq tehnologiialar» jäne 5-11 synyptarǧa arnalǧan «İnformatika» pänderı boiynşa oqu baǧdarlamalary qaita qaraldy. Jaŋaşyldyqtar balalardyŋ aqparattyq tehnologiialar salasynda sapaly bılım aluyna baǧyttalǧan. Mektep baǧdarlamasy şeŋberınde eŋ tanymal Python baǧdarlamalau tılı oqytylady. Sondai-aq 5-9 synyp oquşylary 3D-modeldeu men 3D-printingke boiynşa bılım alady. 10-11 synyptardaǧy «İnformatika» pänı boiynşa ülgılık oqu baǧdarlamasy IT-salasynyŋ zamanaui damu ürdısterın eskere otyryp äzırlengen. Oqytu baǧdarlamasynda IT-STARTUP, virtualdy jäne tolyqtyrylǧan şynaiylyq, jasandy intellekt, mobildı qosymşalardy äzırleu, BigData jäne taǧy basqa taqyryptar bar. Sondai-aq barlyq synyptyŋ oqu baǧdarlamalaryna İnternet jelısındegı qauıpsızdık erejelerı, avtorlyq qūqyq turaly taqyryptar engızılgen.
”Adyrna” ūlttyq portaly
Ūqsas jaŋalyqtar
