Tehnıkalyq jáne kásiptik bilim berý salasy – memlekettiń ekonomıkalyq damýynyń mańyzdy segmenti

1411
Adyrna.kz Telegram

Qostanaı oblysy jastarynyń 34 kolledjde sapaly kásiptik bilim alýǵa, suranystaǵy mamandyqqa ıe bolýǵa múmkindigi bar. Jańa oqý jylynda kolledjderde 22 myńnan astam adam bilim alýda.

28-qyrkúıekte QR bilim jáne ǵylym mınıstri Ashat Qanatuly Aımaǵambetov Qostanaı joǵary polıtehnıkalyq kolledjine baryp qaıtty.

Qostanaı joǵary polıtehnıkalyq kolledji 2019 jyly «Talap» KEAQ reıtıngisinde 1 orynǵa ıe boldy, reıtıngte kóshbasshylyq oryndy ustap otyr.

Qazaqstan Respýblıkasynyń «Jas maman» jobasy materıaldyq-tehnıkalyq bazany jańǵyrtýǵa jáne qazirgi eńbek naryǵynda suranystaǵy mamandardy daıarlaý tıimdiligin arttyrýǵa múmkindik berdi. Osy maqsattar úshin shamamen 3 mlrd.teńge baǵyttaldy.

«Jas maman» jobasy boıynsha Qostanaı joǵary polıtehnıkalyq kolledjinde 10 zerthana men oqý-óndiristik sheberhanalar úshin jetekshi álemdik brendterdiń zamanaýı oqý jabdyǵy satyp alyndy.

Sapar barysynda bilim mınıstri Ashat Qanatuly Aımaǵabetovke «Elektrmen jabdyqtaý» jáne «Nan pisirý, makaron jáne kondıter óndirisi» mamandyqtary boıynsha ınnovaııalyq jabdyqpen jabdyqtalǵan zerthanalar men sheberhanalar kórsetildi.

Qostanaı joǵary polıtehnıkalyq kolledji oblysta eń birinshi bolyp dýaldy negizde mamandardy daıarlaýdy bastady. «Baıan-sulý», «SaryarqaAvtoprom», «Qostanaı avtomehanıkalyq zaýyty», «AgromashHoldıng» sııaqty óńirdegi iri kásiporyndar kolledjdiń áleýmettik seriktesteri boldy. Bul kolledj ben óndiristiń ózara is-qımylynyń úlgisi bolyp tabylady.

2015 jyldan bastap kolledj WorldSkills kásibı sheberlik konkýrsyn aımaqta jáne respýblıkada damytýǵa belsendi at salysady, Quzyrettilikter ortalyǵy jumys isteıdi. 

Quzyrettilikter ortalyǵy «Seriktestik alańy» jobasy aıasynda oblys kolledjderiniń oqýshylaryn daıyndaý úshin jańa zerthanalar men sheberhanalardyń múmkindikterin paıdalana otyryp, jelilik ózara oqytý júıesin iske asyrady.

Kolledjde mobıldi robototehnıka boıynsha kýrstar ótkizý, IT-quzyrettilikter boıynsha jobalaý qyzmetin jetildirý úshin IT-ortalyq qurylǵan.

Ashat Aımaǵambetov tegin kásiptik jáne tehnıkalyq bilim alý, WorldSkills halyqaralyq standarttaryn qoldaný jáne jastar arasynda jumysshy mamandyqtaryn tanymal etý mańyzdylyǵyn atap ótti.

Pikirler