Bashqurtstandaǵy Abzelılov aýdanynyń turǵyndary traktormen uıaly baılanys operatorlarynyń biriniń munarasyn qulatty. Áleýmettik jelilerdegi aqparattarǵa súıensek, bul akııany uıymdastyrýshylar óz áreketterin "5G munaralary adam ómirine asa qaýipti bolýy múmkin" dep túsindirgen.
Aýdan turǵyndary ár shaqyrym saıyn ornatylatyn munaralardyń kóptigine tańdanys bildirip, kúdiktengen. «Bashınform» habarlaǵandaı munara «Tele2» kompanııasyna tıesili, ol jalǵa alynǵan alańǵa tolyǵymen zańdy negizde ornatylǵan.
Alaıda aýdan halqy bul aqparatqa senimsizdik tanytyp otyr. Olar munaralar halyqtyń densaýlyǵyna zııan keltirip, tipti sanasyn baqylaý úshin ornatylǵan dep sanaıdy.
"Adyrna" ulttyq portaly
