Halyqaralyq «Alash» ádebı syılyǵynyń ıegeri, aqyn, jazýshy Rafael Nııazbek 78 jasynda dúnıeden ozdy, dep habarlaıdy «Adyrna» tilshisi.
Qaraly habardy aqyn Bolat Jetekbaı jetkizdi.
«Aqyn, jazýshy Rafael Nııazbek qaıtypty. Aldy jaryq, arty qaıyrly bolsyn!»– dedi ol.
Rafael Nııazbek 1943 jyly 24 naýryzda Jambyl oblysy, Talas aýdanynyń qazirgi Tamabek aýylynda dúnıege kelgen. Ol – Sheshen Respýlıkasynyń eń joǵary Memlekettik «Ult namysy» ordeniniń ıegeri, Sheshenstan Memlekettik jáne Ilııas Jansúgirov atyndaǵy syılyqtardyń laýreaty. «Qarataý men Alataý», «Temirqazyq», «Jalyn keshken», «Jer janary», «Órken», «Bıikteı ber, taýlarym», «Jetigen», «Tamuq otyna janbaǵan», «Sheshender», «Ichkerııa» atty jyr kitaptary jaryq kórdi.
«Adyrna» ujymy marqumnyń týǵan-týystaryna kóńil aıtady.
«Adyrna» ulttyq portaly
