Qostanaida tūrǧyn üilerdıŋ bırınde jarylys bolyp, ekı adam reanimasiiaǧa tüstı, dep habarlaidy «Adyrna» tılşısı «Kostanaiskie novosti»-ge sılteme jasap.
Tötenşe jaǧdai kuägerlerınıŋ aituynşa, üide jöndeu jūmystaryn jürgızgen jūmysşylar zardap şekken.
«Būl üide üş er adam montajdy köbıkpen jūmys ıstedı. Bölmede gaz jinalyp qalǧan. Er adamdardyŋ bırı jertölege tüsıp, temekı şekken. Nätijesınde jarylys boldy. Bıluımızşe, barlyǧy qatty küiık alǧan, jaǧdailary auyr»,– deidı olar.Oblystyq densaulyq saqtau basqarmasynyŋ baspasöz hatşysy Kseniia Jylqybaeva TJ kezınde zardap şekkender turaly aldyn ala aqparat berıp, zardap şekkenderdıŋ qalalyq auruhanaǧa jetkızılgenın mälımdedı.
«Ekı adam reanimasiiaǧa tüstı. 1983 jyly tuǧan üşınşı er adam qabyldau bölımıne jetkızıldı»,– dedı Jylqybaeva.
«Adyrna» ūlttyq portaly
