"Túrkimenstan bıligi elde koronavırýs joq dep málimdeýdi jalǵastyrýda. Alaıda, eger siz Balqanabat pen Jebel aýylynyń arasynda ornalasqan zırattyń jerseriktik sýretterine sholý jasasańyz, Balqan velaıatynda ólim-jitim sońǵy bir jarym jyl ishinde aıtarlyqtaı ósti dep qorytyndy jasaýǵa bolady" dep habarlaıdy Turkmen.news tilshileri.
2019 jyldyń qyrkúıeginde zırattyń tórtten bir bóligi ǵana qabirler bolsa, 2020 jyldyń kúzinde zırattyń teń jartysynda jańa óabirler paıda bolǵan. Al 2021 jyldyń maýsym aıynda zıratta jerleıtin bos oryn qalmaǵan.
2020 jyly táýelsiz BAQ jýrnalısteri zırattardyń spýtnıktik sýretterine súıene otyryp, Túrkimenstanda koronavırýstyń taralýy týraly qorytyndy jasaýǵa tyrysty. Bılik qaza tapqandardyń bir zıratqa jerleýge tyıym salyp, ólim sanyn jasyrýǵa tyrysty. Alaıda eldegi barlyq zırattardy jańa qabirler sany kún saıyn artyp keledi.
Túrkimenstanda koronavırýstyń birinshi tolqyny 2020 jyldyń jazynda, ekinshisi - 2020-2021 jyldyń aıaǵyna tap keldi. 2021 jyldyń jazynda úshinshi tolqyn bastaldy, bul aldyńǵy ekeýine qaraǵanda aıtarlyqtaı aýyr boldy. Aqparat kózderine súıensek, qazir árbir otbasynda aýyrǵan jandar bar. Eldiń árbir azamaty tanystarynyń arasynda kem degende bir adamnyń vırýstan kóz jumǵanyn aıtady.
Jazdyń sońynda bılik ár túrli sanıtarlyq shekteýlerdi jańartýǵa kóshti, sonymen qatar naýqastardy qabyldaıtyn medıınalyq mekemelerdiń sanyn keńeıtýge májbúr boldy. Ahal velaıatynda COVID-19 juqtyrǵandar Choganlydaǵy juqpaly aýrýlar aýrýhanasyna ǵana emes, sonymen qatar prezıdent Gýrbangýly Berdimuhamedovtyń týǵan aýyly Yzgantadaǵy jańa aýrýhanaǵa jatqyzyla bastady. 2020 jyldyń qarashasynda memleket basshysy osy mekemeni ashqanda, koronavırýs Túrkimenstada joq degen bolatyn.
"Adyrna" ulttyq portaly
