2021 jyldyń qańtar - tamyz aılarynda respýblıkalyq bıýdjetten bazalyq zeınetaqy tóleýge 547 mlrd teńge, yntymaqty zeınetaqy tólemderine – 1 trln 236, 7 mlrd teńge baǵyttaldy, dep habarlaıdy «Adyrna» tilshisi Eńbek jáne halyqty áleýmettik qorǵaý mınıstrligine silteme jasap.
2021 jyldyń tamyz aıynda respýblıkalyq bıýdjetten zeınetaqy tólemderine 221,8 mlrd teńge, onyń ishinde bazalyq zeınetaqy tóleýge – 68,1 mlrd teńge, yntymaqty zeınetaqy tóleýge – 153,7 mlrd teńge bólindi.
«2021 jylǵy 1 qyrkúıektegi jaǵdaı boıynsha zeınetkerler sany 2 mln 235 myń adamdy quraıdy. Zeınetaqy tólemderiniń ortasha mólsheri (onyń ishinde bazalyq zeınetaqy) 2021 jylǵy qyrkúıektegi jaǵdaı boıynsha 99 857 teńgeni qurady»,– delingen habarlamada.
Eske salaıyq, 2018 jylǵy 1 shildeden bastap memlekettik bazalyq zeınetaqy tólemi, onyń zeınetaqy júıesindegi tájirıbesin eskere otyryp, ár alýshyǵa jeke taǵaıyndalady.
Bul rette 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalary tólengen kezeńder zeınetaqy júıesindegi eńbek ótiline qosylady.
«Adyrna» ulttyq portaly
