Qonaev dańǵyly jolaıryǵyndaǵy ótkel 1 qazanǵa deıin ashylady

2367
Adyrna.kz Telegram

Aqparattyq-kommýnıkaııalyq ortalyǵynda Shymkent qalalyq Jolaýshylar kóligi jáne avtomobıl joldary basqarmasynyń basshysy Erjan Joldasovtyń qatysýymen brıfıng ótti. Baspasóz máslıhatynda basqarma tarapynan jyl basynan beri atqarylǵan jumystardy baıandady.

Búginde qurylys-jóndeý jumystarymen 182 nysan qamtylǵan. Jyl qorytyndysymen 169 nysan paıdalanýǵa beriledi. Shymkent qalasynyń bas josparyna sáıkes qazirgi tańda Rysqulov-Qonaev kósheleriniń qıylysyndaǵy jolaıryǵyn salý jumystary júrgizilýde. Qurylys jumystaryn tolyǵymen aıaqtaý merzimi 2021 jyldyń jeltoqsan aıyna, al Qonaev dańǵylyn tonnel arqyly kólikterdiń qozǵalysyna ashý osy jyldyń 1 qazanyna deıin josparlanyp otyr, – dedi basqarma basshysy.

Erjan Joldasov - Shymkent qalalyq Jolaýshylar kóligi jáne avtomobıl joldary basqarmasynyń basshysy

A-2 Aınalma jolynyń qurylys merzimi 2018–2024 jyldar aralyǵyna josparlanǵan. Jalpy 8 kezeńnen turady. Kezeńder boıynsha joldyń eki jaǵynan da sý aǵatyn aryq, jasyl aımaq, tratýar, jaryq shamdar kózdelgen. Qazirgi tańda 1-kezeń boıynsha 90 paıyz, 2-kezeń 60 paıyz, al 3 kezeńde 100 paıyz jumystar atqarylǵan. Al 4-kezeń kelesi jylǵa ótpeli. Qalǵan 5,6,7,8-kezeńderdiń bastalýy 2022 jylǵa josparlanǵan.

Erjan Joldasov - Shymkent qalalyq Jolaýshylar kóligi jáne avtomobıl joldary basqarmasynyń basshysy

Sonymen qatar, qala boıynsha kúrdeli jóndeý jumystaryna jalpy sany 71 kóshe belgilengen. Qarataý aýdany boıynsha 75 paıyzǵa jýyq, Abaı aýdany boıynsha 80 paıyz, Eńbekshi aýdany boıynsha 100 paıyz jumystar atqarylǵan. Qazirgi tańda jalpy uzyndyǵy 21,9 shaqyrym bolatyn 9 magıstraldy kóshege ortasha jóndeý jumystary júrgizilýde.

Pikirler