Vakına aldyp pa ediń?
- Joq. Vakınaǵa senbeımin, baýyrym! Ol adamnyń sanyn azaıtýǵa arnalǵan.
- Qalaı?
- Jer betinde 1 mıllıard qana qalý kerek. Sol úshin bári. Masondardyń tirligi ǵoı.
- Masondar degeniń kim? Nazarbaev pa, Toqaev pa?
- Oı, olar da peshka ǵoı. Biz olardy kórmeımiz, bilmeımiz. Eki jyldan soń vakına alǵandar óledi.
- Nazarbaev ta, Toqaev ta aldy ǵoı.
- Olardiki ótirik. Janynda turyp pa ediń?
- Joq. Nazarbaevtyń alǵanyn sýretten kórdik qoı.
- Heh. Postanovka ǵoı bári.
- Mysaly men segiz aǵaıyndymyn. Sonda keıin sonyń bireýi ǵana qala ma?
- Polýchaetsıa, solaı.
- Óziń qanshasyń?
- Tórteýmiz. Eshkim almadyq.
- Sene almaımyn. Ózim birinshi dozasyn aldym. Eshteńe bolǵan joq.
- Óziń oılashy... Bir jylda pandemııa dep dúnıeni astań-kesteń qyldy. Bul kimge paıdaly?
- Eshkimge. Qanshama eldiń ekonomıkasy quldyrady. Kompanııalar aqshadan aıyryldy. Sol mıllıarderler, sol eldiń basshylary, qaýipsizdik qyzmetkerleri, táýelsiz jýrnalısteri men ǵalymdary, zertteý ortalyqtary túgel sýaıt pa?
- Sýaıt-mýaıt, bilmeımin. Biraq myna jer sharyna adam syımaı bara jatyr. Vot. Sol úshin azaıtý kerek. "Zolotoı mıllıard" úshin bári.
- Eki jyldan soń bittim be sonda?
- Qudaı biledi.
Áńgime osy tusqa kelgende úndemeı qaldym. Almaty-Taldyqorǵan trassasynda júıtkip bara jatqan kólik ishinen terezege únsiz qarap otyra berdim. Salonda shýlap otyrǵan bala-shaǵam da maýjyrap ketipti...
Nurbek Túsiphan,
"Adyrna" ulttyq portaly
