2018 jyly Altyn Ordanyń sońǵy aqyny Murat Móńkeulynyń 175 jyldyǵy toılanatyn bolady.

Endi aldymyzda Altyn Ordanyń sońǵy aqyny Murat Móńkeulynyń 175 jyldyǵy kele jatyr. Rýy Berishtiń Qaratoqaı bólimi .Bul – memlekettik deńgeıde mán beriletin berekeli beles. Mahambet pen Murat sekildi asa tanymal aqyndary bar Atyraý buǵan, árıne, zor mańyz beretini anyq. Mahambettiń jyryn halyqqa jetkizgen Muratty el bolyp eske alaıyq, aǵaıyn! Qazir Astana men Atyraýda, Oral qalasynda aqyn atyndaǵy kóshe bar. Atyraýdaǵy eki mektep Murat Móńkeulynyń atymen atalady. Jyrdyń Jeruıyǵynda terbelgen Murat mektebiniń órenderi de aqyn óleńderin oqy degende irkilip qala qoımas.
Sonymen, aldaǵy jyl – áıgili «Úsh qııan» tolǵaýynda «Sadaǵyn sala baılanǵan, Astana jurtyn aınalǵan» dep jyrlaǵan Muratty ulyqtaıtyn jyl. Olaı bolsa, murataný men murattanýdyń mamandaryn irgeli ister kútip tur.