Búgin «Nur Otan» partııasy Tóraǵasynyń Birinshi orynbasary Muhtar Qul-Muhammed Elbasynyń «Tórtinshi ónerkásiptik revolıýııa jaǵdaıyndaǵy damýdyń jańa múmkindikteri» dep atalatyn Joldaýyna qoldaý bildirý maqsatynda Demokratııalyq kúshterdiń «Qazaqstan-2050» jalpyulttyq koalıııasynyń kezekti otyrysyn ótkizdi.
Otyrysty ashqan «Nur Otan» partııasy Tóraǵasynyń Birinshi orynbasary jańa Joldaýdyń Qazaqstannyń júıeli jańǵyrýdaǵy 10 basym baǵytyn júzege asyrýdy qamtamasyz etetin biregeı baǵdarlamalyq qujat ekenin aıtty.
– Elbasymyzdyń Joldaýynda elimizdi saıası, ekonomıkalyq, áleýmettik jáne rýhanı jańǵyrtýdyń 10 basym baǵyty aıqyn belgilengen. Bizdiń endigi mindetimiz – árbir qazaqstandyqtyń ómiri, densaýlyǵy men turmysyna degen Elbasy qamqorlyǵynan turatyn Joldaýdyń mazmunyn barsha halyqqa jetkizý, – dedi Muhtar Qul-Muhammed.
Demokratııalyq kúshterdiń «Qazaqstan-2050» jalpyulttyq koalıııasynyń otyrysyna eldegi jetekshi partııalardyń basshylary, Parlament depýtattary, Qazaqstan halqy Assambleıasynyń, kásibı jáne qoǵamdyq birlestikterdiń ókilderi qatysty. Otyrys barysynda olar Memleket basshysynyń jańa Joldaýyna baılanysty óz oılaryn ortaǵa salyp, pikirlerimen bólisti.
Is-shara nátıjesinde Joldaýǵa qoldaý bildirgen, elimizdiń barsha azamattaryn jyldyń basty qujatyn talqylaý jáne túsindirý jumystaryna belsendi qatysýǵa shaqyrǵan Úndeý qabyldandy.
Abai.kz
