2022 jyldyń 1 qańtarynan bastap elimizde eń tómengi jalaqy kólemi 42 500 teńgeden 60 myń teńgege deıin artady, dep habarlaıdy "Adyrna" ulttyq portaly.
Bul týraly Memleket basshysy Qasym-Jomart Toqaev búgingi joldaýynda aıtty:
«Elimizde eń az jalaqy kólemi 2018 jyldan kóterilgen joq. Álemdik koronadaǵdarys qazaqstandyqtardyń tabysyna saldaryn tıgizdi. Onyń ústine eń tómendi jalaqy kólemi boıynsha Qazaqstan TMD-nyń birqatar memleketterinen qalys qalǵan. Osy oraıda 2022 jylǵy 1 qańtardan bastap eń tómengi jalaqy kólemin 42 500 teńgeden 60 myń teńgege arttyrý týraly sheshim qabyldadym. Atalǵan bastama 1 mln-nan astam qazaqstandyqty qamtıdy. Bul óz kezeginde kóleńkeli jalaqy máselesin joıyp, el ekonomıkasyna ońtaıly áserin tıgizedi. Jáne sarapshylardyń pikirinshe bul JIÓ-di 1,5 ese artýyna yqpal etedi», - dep málimdedi QR Prezıdenti Qasym-Jomart Toqaev Joldaý barysynda.
"Adyrna" ulttyq portaly
