Semeı qalasynda Álıhan Bókeıhan beınelegen mýral paıda boldy dep habarlaıdy "Adyrna" ulttyq portaly "QazAqparatqa "silteme jasap.
Qazaq ınnovaııalyq gýmanıtarlyq-zań ýnıversıtetiniń bastamasymen Semeı qalasynda Alash kósemi Álıhan Bókeıhan beınelegen mýral paıda boldy. Bul el Táýelsizdiginiń 30 jyldyǵy jáne Álıhan Bókeıhannyń 155 jyldyǵy aıasynda júzege asyp otyr.
— Alash qaıratkeriniń beınesi qaladaǵy kópqabatty úılerdiń birine kórkem mýral túrinde salyndy. Úsh aı daıyndyqtan soń jumys eki jumaǵa sozylǵan. Sonymen qatar ýnıversıtet óz esebinen sol kópqabatty úıdiń aınalasyna jóndeý, abattandyrý, aýlasy men kireberisti jaryqtandyrý jumystaryn júrgizdi, – deıdi bilim ordasynyń rektory Shyryn Qurmanbaeva.
Aıta keteıik, mýral Shákárim dańǵyly, 15 meken-jaıy boıynsha ornalasqan kópqabatty turǵyn úıdiń qabyrǵasyna salynǵan. Onyń avtory – kásibı sýretshi Aleksandr Romanov.
"Adyrna" ulttyq portaly.
