Qazaqstan Aýǵanstandaǵy jaǵdaıdyń damý barysyn muqııat qadaǵalap otyr. Bul týraly Syrty ister mınıstrliginiń baspasóz qyzmeti jazdy, dep habarlaıdy «Adyrna» tilshisi.
«Atalǵan eldiń tarıhynda taǵy bir sheshýshi sát kele jatyr. Kópjyldyq janjaldy aýǵan halqy ózderi sheshýi kerek. Qazaqstan barlyq taraptardy ishki turaqtandyrýdyń basty alǵysharty retinde bıliktiń beıbit tranzıtin qamtamasyz etýge shaqyrady. Biz BUU Qaýipsizdik Keńesiniń ınklıýzıvti jáne ókildik úkimet qurý, ulttyq azshylyqtar men áıelderdiń quqyqtaryn qurmetteý, basqa memleketterge qaýip tóndiretin toptardyń bolýyna jol bermeý, halyqaralyq quqyqty saqtaý týraly málimdemesin qoldaımyz»,– dedi vedomstvo.
«Adyrna» ulttyq portaly
