Túrkııada qulaǵan reseılik "Be-200" ushaǵy apatynan aman qalǵandar joq dep habarlady Reseıdiń Qorǵanys mınıstrligi. Bul jaıly "RIA Novostı" jazdy dep habarlaıdy "Adyrna" ulttyq portaly.
Ushaq bortynda bes reseılik áskerı qyzmetshi men ekıpajǵa órt sóndirý oshaqtaryn kórsetken túrkııalyq mamandar bolǵan. Olar - Túrkııanyń Orman sharýashylyǵy mınıstrliginiń úsh ókili.
Reseı Federaııasynyń áskerı vedomstvosynyń málimetinshe, ushaq órt oshaqtaryn sóndirý tapsyrmasyn oryndaǵannan keıin qonýǵa áreket jasaǵan kezde shamamen saǵat 15.00-de qulaǵan.
BAQ-tyń málimetinshe, órtti sóndirý bastalǵanda biraz ýaqyttan keıin ushaqpen baılanys úzilgen. Ol Mýgla provınııasyndaǵy órtti sóndirýge qatysqan ushaqtardyń biri edi. Reseıde jalǵa alynǵan. Aldyn ala málimetter boıynsha, ushaq sý alǵannan keıin qajetti bıikke jete almaı, jartasqa qulaǵan.
Túrkııa Syrtqy ister mınıstri basshysy Mevlıýt Chavýshoǵlý atalǵan oqıǵaǵa baılanysty Reseı men Túrkııa halqyna kóńil aıtty.
"Kahramanmarashtaǵy órtti sóndirý kezinde bolǵan ushaq apatynda túrik jáne orys ekıpajynyń qaza bolǵany týraly habarǵa qatty qaıǵyrdyq. Túrik jáne orys halqyna kóńil aıtamyz. Qaza tapqandardyń erligi umytylmaıdy",- dep jazdy mınıstr Twitter-de.
Túrkııa áýe kúshteri Be-200 órt sóndirýshisi qulaǵan jerge izdestirý-qutqarý operaııasyn júrgizý úshin ushaq pen tikushaq jiberdi. Sondaı-aq, apat ornyna Reseı Qorǵanys mınıstrliginiń komıssııasy men Ankaradaǵy Reseı elshiliginiń ókilderi attanǵan.
Aıta ketý kerek, atalǵan ushaqta reseılik tanymal ushqysh Evgenıı Kýzneov bolǵan. Ol 2014 jyly Qyrymda bolǵan oqıǵaǵa baılanysty túsirilgen derekti fılmde bas keıipker bolǵan.
"Adyrna" ulttyq portaly.
