Atyraýda bıýdjetke aldaǵy jyldary ishki týrızmnen qomaqty qarjy túspek

900
Adyrna.kz Telegram

Bul týraly Qoǵamdyq sanany jańǵyrtý baǵdarlamasyn Atyraý oblysynda iske asyrý jónindegi óńirlik komıssııa otyrysynda Kásipkerlik jáne ındýstrııalyq-ınnovaııalyq damý basqarmasy basshysynyń mindetin atqarýshy Qanysh Mámbetov baıandady.

Jıynǵa tóraǵalyq etken aımaq basshysy Mahambet Dosmuhambetov qoǵamdyq sanany jańǵyrtýdyń mańyzdylyǵyn atap ótti.

«Jalpy, ulttyń jańǵyrýy árbirimizdiń ultqa degen qyzmetimizden, sana-sezimimizden kórinis tabady. Elge qyzmet etý - qýanysh, elge syı kórsetý - súıinish. Bizdiń árbir isimiz talǵamǵa, mentalıtetke saı bolǵany – erekshe kóńil aýdarar tus. Sondyqtan, rýhanı jańǵyrý qaı kezeńde de kerek etiletin qubylys»,-dedi ol.

Ishki týrızmdi damytýǵa qatysty pikir bildirgen Kásipkerlik jáne ındýstrııalyq-ınnovaııalyq damý basqarmasy basshysynyń mindetin atqarýshy Qanysh Mámbetovtiń sózinshe, 2021-2025 jyldary jańa týrıstik nysandar salynyp, 338 jańa jumys orny ashylady. «Ishki týrızm boıynsha kelýshiler sany jylyna 33,7 myńnan 79,4 myń adamǵa artyp, 100 mln.teńgeden astam bıýdjetke salyqtyń túsýine úlken múmkindik beredi»,- dedi ol.

Sondaı-aq, Q.Mámbetovtiń aıtýynsha, aldaǵy ýaqytta balalar jáne jasóspirimder týrızmin damytý boıynsha «Jandy sabaqtar» jobasyn júzege asyrý kózdelip otyr. Joba aıasynda Atyraý qalasynyń mektep oqýshylaryna «Embimunaıgaz» AQ jáne N.Balǵymbaev atyndaǵy ınteraktıvti murajaılaryna ekskýrsııalar uıymdastyrylady. Oǵan qosa, oblystyń shalǵaı aýyldaryndaǵy az qamtylǵan otbasylardyń balalaryna mádenı-tanymdyq nysandarǵa ekskýrsııa jáne otandyq týroperatorlarǵa aqparattyq týrlar uıymdastyrý josparlanýda.

Al, Bilim berý basqarmasy basshysynyń mindetin atqarýshy A.Dúısekenova bilim berýdiń barlyq deńgeıinde qoǵamdyq sanany jańǵyrtý, balalardyń boıynda ulttyq qundylyqtardy qalyptastyrý baǵytynda atqarylǵan jumystarǵa toqtaldy. Qurmanǵazy men Qyzylqoǵa aýdany ákimderi óz aýmaqtary boıynsha bul baǵyttaǵy jasalyp jatqan jumystardy baıandady.

Jıyn sońynda óńir basshysy Mahambet Dosmuhambetov «Rýhanııatqa qyzmet – elge qyzmet. Táýelsizdiktiń 30 jyldyǵy aıasynda ótkiziletin is-sharalardyń tıisti deńgeıde uıymdastyrylýyn tapsyramyn. Úzdik jobalar josparlanyp, júzege asyrylýy qajet. Bul «Rýhanı jańǵyrý» baǵdarlamasynyń oblysta talapqa saı iske asyrylýyna oń yqpal etedi»,-dedi oblys basshysy.

Pikirler