Aýyl sharýashylyǵyndaǵy óndiris kólemi 100,9 paıyzdy quraǵan. Bul týraly oblys ákimdigindegi birinshi jartyjyldyq qorytyndysy boıynsha ótken jıynda aýyl sharýashylyǵy basqarmasynyń basshysy Amangeldi Salamat málimdedi.
«Oblystyń aýyl sharýashylyǵy salasynda ótken jyldyń osy kezeńimen salystyrǵanda ósim bar. Aýyl sharýashylyǵy óndirisi kólemi 100,9 paıyzdy qurady. Onyń ishinde, ósimdik sharýashylyǵy -100 %, mal sharýashylyǵy -100,9 %, et óndirisi -101,4%, sıyr súti -104,6% qurap otyr»,-dedi A.Salamat.
Sondaı-aq, basqarma basshysynyń sózinshe, osy jyly 180 márte jármeńke uıymdastyrylyp, al, kókónis baǵasy ótken aptaǵa qaraǵanda 15 paıyzǵa arzandaǵan. Baǵa turaqtylyǵyna jergilikti ónimderdiń pisýi de oń yqpal etýde.
Aımaq basshysy Mahambet Dosmuhambetov baǵany turaqty ustap turý úshin barlyq is-sharalardy qabyldaý kerektigin aıryqsha eskertti. «Atyraý» áleýmettik-kásipkerlik korporaııasy arqyly bul maqsatta qomaqty qarjy bólinip kele jatqany aıtyldy. Kóptegen azyq-túlik ónimderiniń syrttan jetkiziletinine toqtalǵan ol aýyl sharýashylyǵyn damytýǵa erekshe kóńil bólý jalǵasatynyn atap ótti.
Sonymen qatar, basqarma basshysy 2021-2025 jyldarǵa arnalǵan keshendi damý josparyna sáıkes, 23 joba júzege asatynyn málimdedi. Onyń ishinde 6 jobany bıyl iske qosý josparlansa, búgingi tańda 4-i jumys jasaýda. Olardyń qatarynda jylyjaılar, sút óndirisi ehy, mal bordaqylaý men jańbyrlatyp sýarý alańdary bar.
Aıtalyq, Atyraý qalasyndaǵy «Imanbaev» jáne «Otbasy» sharýa qojalyqtarynyń jylyjaılary, jylyna 72 tonna et óndiretin «ATYRAÝ-ChIFTLIK» mal bordaqylaý alańy iske qosylyp, «Asyl Agro» jáne «Jumaǵalıeva» ShQ-nyń jańbyrlatyp sýarý qondyrǵylary jumys jasaýda.
Al, Mahambet aýdanyndaǵy «Jumaǵalıev» sharýa qojalyǵyna qarasty jylyjaı kesheniniń qurylysy júrgizilýde. Sondaı-aq, Jylyoı aýdanynda sút óndirý ehy, Atyraý qalasyndaǵy jylyna 235 tonna et óndiretin «Djýmagalıeva» JK jáne «Jan&Adil» JShS mal bordaqylaý alańdary aldaǵy ýaqytta halyq ıgiligine berilmek.
Jıynda óńir basshysy Mahambet Dosmuhambetov baǵa turaqtylyǵyn baqylaýda ustaýdy basa tapsyrdy. Oǵan qosa, shaǵyn jáne orta kásipkerlik sýbektileri óndiretin ónimderdiń kólemin arttyrýdy, aýyl sharýashylyq jáne kásipkerlik jobalaryn júzege asyrý boıynsha jumystardy jetildirip, jańa jumys oryndaryn qurýdy júktedi. Sondaı-aq, azyq-túlik, jem-shóp jáne halyq jappaı tutynatyn taýarlardyń baǵasyna turaqty baqylaý jasap, monıtorıng júrgizýdi mindettedi.
