Ózbekstanǵa ketip qalǵan bapkerdiń shákirti, ózbekterge altyn syılady. Júıeniń jemqorlyǵyna shydamaǵan bapkerlerdiń birazyn tanımyn, olarmen sóılesip otyramyn. Meniń janymda turǵan bapker Mustafa Óztúriktiń shákirti – Tólegen Tileýmuratov. Respýblıkalyq sport kolledjinde bapker bolyp jumys istegen. Oqý ornyndaǵy bylyqtardy aıtqany úshin qýdalanǵan. Oqý ornynda jattyqtyrǵan shákirtteri jattyqtyrýshysyn qoldaǵany úshin oqýdan shyǵarylǵan. Bul máseleni mınıstr Aqtotyǵa jetkizgenimizde, balalardyń emes, jasy zeınetke kelgen Tshanovtyń sózin sóılegen. 80-ge kelgen adam jastarǵa ornyn bermeı, sport damymaıdy!
Balalardyń ata- analary oqý ornymen sottasyp, oqý ornynda bolyp jatqan jemqorlyq jaıly ashyq aıtyp, búkil quzyrly organǵa aryz jazǵan edi. Organdarǵa jazylǵan aryz sybaılastyqtyń arqasynda óz nátıjesin bermedi.
Balalar bilimsiz qalatyn boldy ǵoı dep qaqpaǵan esigimiz qalmady. Aqyry olardyń jartysyn qarapaıym mektepke, ár qalanyń sport mektepterine aýystyryp tyndyq. Jartysy áli oqý ornyna qabyldanbaı bilimsiz júr. Tipti bir sportshyǵa respýblıkalyq kolledj dıplom bermeı jatyr.
Nátıjesinde Álem, Azııa chempıonattarynda aldyńǵy 1,2-oryn alyp júrgen shákirtter bilimsiz qaldy. Osyndaı bylyqtardy kórip, kúresip júrgen soń kóp dúnıelerdi ashyp aıta alamyn! Bapker men jas sportshylardyń janaıqaıyn joǵaryǵa jetkizgenim úshin, tipti sotqa shaqyryldym. Bizdiń elde ádilettilik úshin kúresseń, sotqa súıretilip, ózińdi kináli qylyp shyǵarady emes pe?
Biz, Tólegen aǵaı, balalardyń ata-analary sońyna deıin kúresýdemiz! Biz toqtamaımyz!
Jemqorlyq jaılaǵan júıeni ınternette jazyp qana otyrǵannan joıylmaıdy. Irigen jarany ashyp kórsetýimiz kerek! “Saǵan tólep jatyr ǵoı, árıne qoldap júresiń “ dep jazatyndar shyǵyp jatty, Tshanovty qoldap. Bul ómirde bári aqshamen ólshenbeıdi. Ata-analar men bapkerler osynda otyr. Bolashaq úshin, jastar úshin bir tıyn alǵanym joq, qaıta jastarǵa jiger berý úshin kúresý kerek ekenin kórsettim.
Patrıottyq degen ne bilesizder me?
Árbir ádiletsizdikpen ashyq kúresý! Qoldaǵan jastarym álemdik dodalarda kók baıraǵymdy samǵatyp tursa, budan asqan baqyt joq!
Eger Tólegen aǵaıdyń shákirtteri olıpıadaǵa barǵanda altyn almaı kelmeıtin edi. Sebebi bul jastar – sportty jaılaǵan jemqorlyqpen ashyq kúreske shyqqan jastar!
