«Oblysymyzdyń ekonomıkalyq ósiminiń draıveri sanalatyn sashına jasaý salasyna jeke toqtalmaqpyn. Esepti kezeńde 147 mlrd 600 mln teńgeniń ónimi shyǵarylyp, ósim 34,8 paıyzdy qurady. Mashına jasaý salasynyń úlesi óńirdegi óńdeýshi ónerkásiptiń jalpy kóleminiń 38,5 paıyzyn quraıdy. Destelegish óndirisi 2,1 ese, traktor óndirisi 2,5 ese artty. Kombaın qurastyrý 2,4, jeńil avtomobıl qurastyrý 43 paıyzǵa ulǵaıdy», - dedi oblys basshysy Ortalyq kommýnıkaııalar qyzmetindegi baspasóz máslıhatynda.
Onyń atap ótýinshe, óńirde 2021 jyldyń naýryzynan bastap «KIA» markaly kólikter qurastyryla bastady. Qazirdiń ózinde mundaı 3,2 myń jeńil kólik qurastyrylyp otyr. Buǵan qosa taıaý ýaqytta Renault avtomobılderin qurastyrý kelisimine qol qoıylatyn bolady. Al «AvtoVAZ» AQ men LADA kólikterin qurastyrý kelisimi rásimdelgen. Bıyl óńirde 8 myń LADA kóligin qurastyrý josparlanyp otyr. Aldaǵy ýaqytta óndiris kólemi jylyna 2 myń birlikke arttyryla otyryp, jyldyq óndiris 24 myń avtomobılge jetetin bolady.
«Jalpy esepti kezeń ishinde «SaryarqaAvtoÓnerkásip» JShS konveınerinen 20 myńǵa jýyq kólik shyǵarylyp, 1 672-si eksportqa jóneltildi. Bıylǵy josparda 60 myń kólik qurastyrý bar. Onyń shamamen 18 myńy eksportqa shyǵarylatyn bolady», - dedi Arhımed Muhambetov.
