Loh-Ness kólindegi belgisiz qubyjyqqa qatysty áńgimeniń órbigenine bir ǵasyrdan astam ýaqyt boldy. Endi mine araǵa jarty ǵasyr salyp, qubyjyqty kórdim degen taǵy bir adam paıda boldy.
Brıtanııalyq Daily Star gazetiniń habarlaýynsha Lıverpýl qalasynyń 55 jastaǵy zeınetkeri Kolın Vık Loh-Ness kólinen qubyjyqty kórgen. 2021 jyly atalmysh kólden qubyjyqty kórdim degen toǵyzynshy adam bolyp otyr. Ózgelerden ereksheligi Vıktyń qolynda dálelderi de bar eken. Ol kórgenin sýretke salypty.
Shilde aıynda Loh-Ness mańyna qydyryp barǵan ol dúrbiden kóldi baqylap turady. Bir sátte kól betinde úlken tolqyn paıda bolyp, iri janýardyń arqasy baıqalady.
Ol kóldegi janýardyń arqasy aıdahardyń jalyna uqsas boldy deıdi. Jergilikti gazetke ózi este saqtaǵan kórinisti sýretke salyp beripti. Alaıda sýretten qandaı da bir janýardy baıqaý óte qıyn. Loh-Ness kóliniń qubyjyǵy jaıly oqıǵalar óte kóp. Tipti atalmysh taqyrypta 8 fılm túsirilgen.
"Adyrna" ulttyq portaly
