Mahambet atyndaǵy akademııalyq qazaq drama teatry Túrkııada ótken HI Halyqaralyq túrki tildes elderdiń teatr festıvalinde jazýshy-dramatýrg Raqymjan Otarbaevtyń «Jalǵyzdyq» dramasyn sahnalap, «Eń úzdik spektakl» atalymyn jeńip aldy.
Kórermenderdiń ystyq yqylasyna bólengen qoıylymnyń rejısseri Muqanǵalı Tomanov. Álemniń shoqtyǵy bıik 24 teatrynyń ishinen úzdik atanyp, qazaq óneriniń dańqyn aspandatty. Túrkııalyq kórermender ónerpazdarǵa tikesinen turyp, qoshemet kórsetip, alǵystaryn aıtty.
Til bilmesek te túsinip kórdik. Tamashalaǵanymyzǵa qýanyshtymyz. Bul rasynda da eń úzdik spektakl boldy. Teatr akterleri de ózderiniń asqan sheberlikterin tanytty. Antalıaǵa kelip qatysqandaryńyzǵa alǵysymyzdy bildiremiz. Kelesi festıvalderde de kútetin bolamyz. Sizder óte baýyrmal komandasyzdar. Akterler, rejısser, qoıýshy rejısser barlyǵy derlik talantty mamandar. Festıvaldegi úzdik qoıylym sizderdiki boldy, kóńilimiz bosamaı qaraý múmkin bolmady, – degen kórermender, jerlesterimizden bir sátke de ajyramaı árbirimen suhbattasyp, júrekjardy pikirlerin bildirip jatty.
