Tokıo Olımpıadasynda karateshiler jarysy bastaldy. 67 kelige deıingi salmaqta el namysyn Darhan Asádilov qorǵady, - dep habarlaıdy “Adyrna” ulttyq portaly Tengrinews.kz. saıtyna silteme jasap.
A tobynda Asádilov tórt sportshymen kúsh synasady. Alǵashqy qarsylasy túrkııalyq Eraı Samdan boldy. Qazaqstandyq karateshi 6:2 esebimen jeńdi.
Darhan Asádilov - karateden Qazaqstan quramasyndaǵy eń tájirıbeli sportshy, jasy 33-te. 2010 jyly AZııa chempıony atanǵan. 2008 jyly álem chempıonatynda kúmis, 2018 jyly qola medal jeńip alǵan. Enshisinde Azııa chempıonatynan birneshe júlde bar.
Eske salaıyq, qazir Qazaqstan qorjynynda tórt medal bar. Buǵan deıin dzıýdoshy Eldos Smetov, aýyratletter Igor Son men Zúlfııa Chınshanlo qola medal ıelengen bolatyn. Al keshe boksshy Qamshybek Qońqabaev ta jartylaı fınalda jeńilip, qola júlde alǵan edi.
