Mańǵystaý oblysynda endi toı, sadaqaǵa barǵandarǵa da aıyppul salynady. Tóleıtin somanyń quny da – 80 myń teńge. Jergilikti bılik osylaısha aýrýdy aýyzdyqtamaq nıette, dep habarlaıdy «Adyrna» tilshisi «KTK» arnasyna silteme jasap.
Munaıly aımaqta koronavırýs juqtyrǵandardyń sany saǵat saıyn ósip barady. Sońǵy táýlikte 181 adamnan KVI anyqtalyp, 14 adam kóz jumǵan.
«Toıda júrgen azamattardy shtrafqa tartamyz. Sebebi, toı ıesiniń jaýapkershiligi bir bólek. Ekinshi másele – toıǵa qatysyp júrgen adamdardyń jaýapkershiligi»,– dedi Mańǵystaý oblysy ákiminiń orynbasary Gúlmıra Qalmuratova.
Aıta keteıik, buǵan deıin tek toı, sadaqa jasaǵandar men meıramhana ıesine ǵana aıyppul salynatyn edi.
«Adyrna» ulttyq portaly
