Premer-Mınıstrdiń orynbasary E. Toǵjanov «ASHYQ» jobasyna belsendi qatysatyn bıznes-qoǵamdastyq ókilderimen onlaın-kezdesý ótkizdi. Bul joba Memleket basshysynyń tapsyrmasy boıynsha iske asyryldy jáne búgingi kúni óziniń tıimdiligin kórsetti.
Keńeske memlekettik organdardyń basshylary, barlyq óńirlerdiń ákimdikteri, «Atameken» Ulttyq kásipkerler palatasy jáne «ASHYQ» jobasynyń kóshbasshylary qatysty.
Qazir «ASHYQ» júıesinde 45 myńnan astam kásipkerlik obektisi jumys isteıdi, 4 mln astam paıdalanýshy tirkelgen. «ASHYQ» jobasy engizilgen sátten bastap «qyzyl» jáne «sary» mártebesi bar 23 myńnan astam kelýshi anyqtaldy (onyń ishinde oń PTR-testi bar 13 516 azamat jáne 9 688 – naýqastarmen qarym-qatynasta bolǵandar).
Vıe-premer elimizdegi epıdemıologııalyq jaǵdaı óte kúrdeli ekenin, 16 óńir «qyzyl» aımaqta turǵanyn atap ótti. Elimizdiń emdeý staıonarlaryndaǵy tósek oryndarynyń tolymdylyǵy 54%-ǵa jetti. Densaýlyq saqtaý júıesi ótken jylmen salystyrǵanda eki ese kóp júktememen jumys jasaýda. Koronavırýs ınfekııasyn taratpaý jónindegi jaǵdaıdy basqarý, kásipkerler tarapynan eldegi kúrdeli jaǵdaıǵa túsinistikpen qaraýy jáne járdemdesýi pandemııamen kúreste óte mańyzdy faktor bolyp tabylady.
«ASHYQ» júıesi aıasyndaǵy jumys áleýmettik-ekonomıkalyq nysandardaǵy sanıtarlyq-epıdemıologııalyq jaǵdaıdy baqylaýǵa alyp qana qoımaı, bıznestiń fýnkıonalyn joǵaltpaýǵa, jumys oryndaryn saqtaýǵa múmkindik berdi. Bıznes ókilderi óz tarapynan karantın jaǵdaıynda jumys isteýge múmkindik bergeni úshin alǵys bildirip, ózderine alǵan barlyq mindettemelerdi odan ári saqtaýdy jalǵastyratynyn jáne áriptesterin de osyǵan shaqyratyndaryn jetkizdi.
«Biz ekonomıkanyń damýyn, sondaı-aq 2 mln-nan astam adam jumys jasaıtyn qyzmet kórsetý sektoryndaǵy shaǵyn jáne orta bıznestiń jumysyn toqtatpaý úshin árqashan kásipkerlerdiń adal jumysyn ustanamyz. Memlekettiń senimdi ári jaýapkershilikti bızneske qoldaý bildirgenine rızamyz», — dedi «Atameken» UKP basqarma tóraǵasy A. Myrzahmetov.
Sondaı-aq, kásipkerler eki aptanyń monıtorıngi boıynsha 2-9 tamyz aralyǵynda úzdik kórsetkishterge ıe bolǵan júıe kóshbasshylaryna demalys kúnderi jumys isteýge múmkindik berýdi qarastyrý týraly bastama kóterdi. Budan bólek, «ASHYQ» jobasy kóshbasshylarynyń qoǵamdyq qozǵalysyn qurý týraly sheshim qabyldandy.
E. Toǵjanov memleket ShOB jaýapty nysandarynyń jumysy úshin barlyq jaǵdaıdy jasaıtynyn aıtty. Tabys tabý men azamattardyń densaýlyǵyn qorǵaý arasyndaǵy tepe-teńdikti tabý qajettiligine shaqyrdy. Sondaı-aq, ol qalypty ómir tirshiligine qaıta oralýdyń jalǵyz joly – vakına alý ekenin jáne ujymdyq ımmýnıtetti qalyptastyrý úshin vakına alýdyń mańyzdylyǵy týraly keń aqparattyq saıasat júrgizý kerektigin atap ótti.
Kezdesýdi qorytyndylaı kele, Premer-Mınıstrdiń orynbasary jaýapty memlekettik organdar men ákimdikterge «Atameken» UKP-men birlesip, barlyq aıtylǵan bastamalardy pysyqtaýdy jáne qajet bolǵan jaǵdaıda koronavırýs ınfekııasynyń taralýyna jol bermeý jónindegi VAK otyrysynda kelisilgen usynystardy engizýdi tapsyrdy.
