Densaulyq saqtau ministrı Aleksei Soi koronaviruspen auyrǧandardyŋ barlyǧy derlık vaksina almaǧandar ekenın mälımdedı, dep habarlaidy "Adyrna" ūlttyq portaly Sputnik Qazaqstan saityna sılteme jasap.
"Auyrǧandardyŋ 99,9%-ı vaksina saldyrmaǧanyn atap ötkım keledı. Būl immunizasiianyŋ qauıpsızdıgı men tiımdılıgın däleldeidı", - dedı Soi baspasöz mäslihatynda.Ol är ekınşı eresek qazaqstandyq koronavirusqa qarsy vaksinanyŋ bırınşı dozasyn alǧanyn atap öttı. Aituynşa, qazırgı taŋda 8,6 million doza paidalanylǧan, onyŋ ışınde bırınşı komponent 5 230 750 adamǧa egıldı. Būl vaksinalauǧa jatatyn halyqtyŋ 52,8 prosentın qūraidy. Ekınşı komponent 3 436 617 qazaqstandyqqa calynǧan. Egu punkterınde 713 myŋ dozaǧa juyq bırınşı komponent jäne 1 million 300 myŋ doza ekınşı komponent bar, dep tolyqtyrdy ministr. Soi qazaqstandyqtardy taǧy bır märte vaksina salǧyzyp, ındetten qorǧanuǧa şaqyrdy.
"Adyrna" ūlttyq portaly
Ūqsas jaŋalyqtar
