Úndistannyń batysyndaǵy Maharashtra shtaty bıliginiń habarlaýynsha, sý tasqyny men kóshkin týdyrǵan jańbyrdan 112 adam qaza tapqan. 22 shildede Mahad qalasynyń mańynda kóshkin bolyp, 38 adamnyń ómirin qıǵan dep habarlaıdy "Adyrna" ulttyq portaly "Reuters-ke" silteme jasap.
Kóshkin Talı aýylynyń jartysyn jermen-jeksen etken. Qazir qutqarý toptary tolassyz jaýǵan jańbyrǵa qaramastan izdeý jumystaryn jalǵastyrýda.
Úndistannyń batys jaǵalaýyndaǵy keıbir aýdandarǵa kúnine 594 mm jaýyn-shashyn túsken. Osyǵan baılanysty aýdandardaǵy turǵyndar evakýaııalanyp jatyr.
Sýǵa tolyp jatqan bógetter sheneýnikterdiń sheshimimen bosatyldy. Áskerı-teńiz kúshteri men armııa jaǵalaýdaǵy qutqarý jumystaryna kómek kórsetýde.
Maharashtra shtatynyń ártúrli aımaqtarynda bolǵan sý kóshkininen 59 adam kóz jumǵan. Budan basqa taǵy 15 turǵyn apattyń qurbany bolǵan.
Aıta ketý kerek, maýsymdyq jańbyr Úndistanda maýsymnan qyrkúıek aıyna deıin jalǵasady. Jyl saıyn bul elde sý tasqynynan kóptegen adamdar qaza bolyp, halyq Ońtústik Azııaǵa jappaı qonys aýdarady.
"Adyrna" ulttyq portaly.
