Jeńil atletshi Olga Rypakova Tokıodaǵy Olımpıada oıyndarynyń ashylýynda qazaqstandyq delegaııany tanystyrýshy boldy. Qazaqtyń ulttyq kıimin kıgen sportshyǵa japondyqtar tańdanyp, Twitter jelisinde ár túrli pikirler qaldyrǵan dep habarlaıdy "Adyrna" ulttyq portaly "Tengrinews.kz-ke" silteme jasap.
Nikkansports.com saıtynyń habarlaýynsha, áleýmettik jelilerdegi turǵyndar Olga Rypakovany ımıdji men oıyndaǵy fondyq mýzykasyna baılanysty «Oıyn hanshaıymy» dep atapty (Tokıo Olımpıadasynyń ashylýy Final Fantasy tregimen jáne basqa japondyq kompıýterlik oıyndarmen ótti).
Vesti.kz saıty atap ótkendeı, olımpıadaǵa kostıýmder daıyndaý jáne ulttyq oıý-órnekterdiń sımvolıkasy men olardy paıdalanýda Qazaqstan ulttyq quramasy Ábilhan Qasteev atyndaǵy memlekettik óner mýzeıiniń sándik-qoldanbaly óner zertteýshilerinen keńes alǵan.
«Kostıýmder biregeı, zamanaýı jáne dástúrli. Bul sheberler jasaǵan joǵary sándi buıymdar, men olarǵa keremet jumystary úshin alǵys aıtýym kerek», - degen bolatyn buǵan deıin Olga Rypakova olympic.kz-ke bergen pikirinde.
Aıta ketý kerek, Olga Rypakova - uzyndyqqa, qarǵyp sekirýge mamandanǵan qazaqstandyq sportshy. Ol Londonda ótken Olımpıadanyń chempıony (2012), Pekın Olımpıadasynyń kúmis júldegeri (2008) jáne Rıo-de-Janeıro Olımpıadasynyń qola júldegeri (2016). Sonaı-aq ol jabyq ǵımaratta úsh márte sekirý boıynsha álem chempıony.
"Adyrna" ulttyq portaly.
