Aýǵanstannyń Kandagar provınııasynyń Spın-Boldak aýdanynda belgisiz adamdar júzden astam beıbit turǵyndy óltirgen dep habarlaıdy "Adyrna" ulttyq portaly "Tolo News" telearnasyna silteme jasap.
Bul týraly Aýǵanstannyń ishki ister mınıstrligi (IID) málimdegen.
"Pendjabtan (Pákistan) kelgen basshylarynyń buıryǵymen qatygez terrorıster Spın-Boldaktyń bir bóligindegi jazyqsyz aýǵandyqtardyń úılerine shabýyl jasap, úılerdi tonap, júzdegen jazyqsyz adamdardy óltirdi", - dedi ishki ister mınıstrliginiń ókili Mırvaıs Stanekzaı.
Aýǵanstan úkimeti bul oqıǵaǵa aýdandaǵy bılikti basyp alǵan radıkaldy «Talıban» qozǵalysynyń (Reseıde bularǵa tyıym salynǵan) sodyrlaryn kináláp otyr.
Aýǵanstan qorǵanys mınıstrliginiń ókili Rohýlla Ahmadzaıdyń aıtýynsha, tálibter birneshe ret jergilikti turǵyndar men memlekettik mekemelerdiń úılerin tonap, qala ınfraqurylymyn qıratyp, beıbit turǵyndardy óltirgen.
Al «Talıban» uıymynyń ókili Zabıýlla Mýdjahed úkimettiń bul qozǵalysqa baılanysty ózderine taqqan aıybyn joqqa shyǵardy.
Aýǵanstandaǵy jaǵdaı AQSh pen NATO elderi 1 mamyrda áskerı kontıngentin resmı túrde shyǵarýdy bastaǵannan keıin ýshyǵyp ketti. Elde «Talıban» kúshteri kúsheıe tústi, sodyrlar aýdandardy basyp ala bastady.
Mýdjahed bul qozǵalys Aýǵanstan shekaralarynyń 90 paıyzyn basyp alǵanyn jáne ustap otyrǵanyn málimdedi. Búginde bul elmen shektesken Iran, Túrikmenstan, Tájikstan jáne Ózbekstan shekaralary tolyq baqylaýǵa alynǵan.
"Adyrna" ulttyq portaly.
