Álemdegi eń baı adam jáne Amazon kompanııasynyń negizin qalaýshy Djeff Bezos óziniń Blue Origin kompanııasy salǵan New Shepard kemesi arqyly ǵaryshqa baryp keldi, dep habarlaıdy «Adyrna» tilshisi.
Zymyran jergilikti ýaqyt boıynsha 09:12-de (Nur-Sultan ýaqyty boıynsha 19:12 – red.) Van Horn qalasynyń janyndaǵy Bezos jeke ǵarysh aılaǵynan ushty. Jalpy ushý 10 mınýt 10 sekýndqa sozyldy.
Mıllıarder Jerge oralǵannan keıin alǵan áserimen bólisti.
"O, Qudaıym! Bul meniń kútkenimnen de asyp tústi!"– dedi Bezos New Shepard kemesiniń alǵashqy ushýynyń qorytyndysy boıynsha ótken baspasóz máslıhatynda.
Sondaı-aq ol jyl sońyna deıin New Shepard kemesiniń taǵy eki ushý saparyn júzege asyratynyn rastady.
"Qazir jeke ótinimderden alynǵan somalar 100 mıllıon dollarǵa jaqyndap keledi, suranys óte úlken", - dedi kásipker.
«Adyrna» ulttyq portaly
