Qasym-Jomart Toqaev Qurban aıt merekesimen quttyqtady

4000
Adyrna.kz Telegram

Prezıdent Qasym-Jomart Toqaev qazaqstandyqtardy Qurban aıt merekesimen quttyqtady, - dep habarlaıdy “Adyrna” ulttyq portaly Aqordaǵa silteme jasap.

"Ardaqty aǵaıyn! Sizderdi kúlli musylman qaýymy úshin qasterli Qurban aıt merekesimen shyn júrekten quttyqtaımyn! Bul - qaıyrymdylyq pen janashyrlyq, izgilik pen ımandylyq sııaqty asyl qasıetterdi dáripteıtin ulyq meıram. Salt-dástúrimizben berik ushtasqan ata dinimiz - eldiń rýhanı tutastyǵyn saqtaýǵa yqpal etetin basty qundylyqtyń biri.

Qurban aıt qashanda barsha jurtty bereke-birlikke úndeıdi. El azamattaryn baýyrmal bolýǵa shaqyryp, búkil halqymyzdyń yrys-yntymaǵyn arttyrady.

Musylman balasy bul kúnderi otbasy amandyǵy men el tynyshtyǵy úshin qurbandyq shalyp, joq-jitikke kómektesedi, muqtaj jandarǵa qamqorlyq tanytady. Osyndaı izgi nıet pen saýapty is el-jurttyń bir-birimen etene aralasýyna, ózara syılastyq pen jaqsylyqqa jol ashady.

Qurban aıttyń ulaǵaty men ónegesi bizdiń rýhanı qundylyqtarymyzben úndesedi. Búgingi merekeniń mán-mańyzy osynda dep bilemin. Shalǵan qurbandyqtaryńyz, duǵa-tilekterińiz qabyl bolsyn! Aıttan aıtqa aman-esen jete bereıik!" - dedi Prezıdent.

Pikirler