Túrkistan oblysy Arys qalasynda 3 jyl boıy bıýdjet qarajatyn jymqyrǵan bólim basshysynyń orynbasary ustaldy dep habarlaıdy "Adyrna" ulttyq portaly.
QR Sybaılas jemqorlyqqa qarsy is-qımyl agenttiginiń baspasóz qyzmeti málimdegendeı, Arys qalalyq jumyspen qamtý jáne áleýmettik baǵdarlamalar bólimi basshysynyń orynbasary bir top adammen birlesip, 2018-2021 jyldar aralyǵynda bıýdjet qarajatyn "jep" otyrǵan.
Agenttik mamandarynyń aıtýynsha, bul qarjy az qamtylǵan muqtaj otbasylardy qoldaýǵa beriletin qarajat bolatyn. Saldarynan memleketke shamamen 160 mln teńgeden astam shyǵyn kelgen.
Aıta ketý kerek, sheneýlik jymqyrǵan qarajat ataýly áleýmettik kómek sheńberinde Arys qalasynda turatyn turmysy tómen otbasylarǵa járdemaqy tóleýge jáne keıbir sanattaǵy azamattardy pandemııa, tótenshe jaǵdaı men shekteý sharalary kezinde azyq-túlik, turmystyq zattarmen qamtamasyz etýge bólingen. Qazirgi tańda bul qylmys boıynsha tergeý jumystary júrip jatyr.
"Adyrna" ulttyq portaly.
