2021 jylǵy 13-15 shilde aralyǵynda Vashıngton qalasynda (AQSh) Dinı bostandyqtyń halyqaralyq sammıti ótti. AQSh-tyń halyqaralyq dinı senim bostandyǵy máseleleri jónindegi komıssııasy onyń basty uıymdastyrýshysy, al AQSh kongresi teń tóraǵasy boldy.
Atalǵan is-sharaǵa QR Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov qatysty.
Sammıt barysynda E. Núkejanov Qazaqstan eldegi konfessııaaralyq kelisimdi qoldaýǵa jáne dindarlardyń dinı senim bostandyǵyna quqyqtaryn qamtamasyz etýge, sondaı-aq osy salada AQSh-pen áriptestikti damytýǵa erekshe nazar aýdaratynyn atap ótti.
Sammıt aıasynda E.Nýkejanov is-sharany uıymdastyrýshylary AQSh Memlekettik departamentiniń Halyqaralyq dinı bostandyq jónindegi erekshe tapsyrmalar boıynsha burynǵy elshisi Sem Braýnbekpen jáne Lantos adam quqyqtary men ádilettilik qorynyń prezıdenti Katrına Lantos Svıtpen kezdesýler ótkizdi. Sondaı-aq, AQSh Memlekettik departamenttiń halyqaralyq dinı bostandyq basqarmasynyń dırektory Denıel Nadelmen jáne AQSh-tyń Halyqaralyq dinı bostandyq jónindegi komıssııasy tóraǵasynyń orynbasary Nýrı Tıýrkelmen kelissózder júrgizildi.
Budan basqa, Din isteri komıteti men AQSh-tyń «love Your Neighbor Community» úkimettik emes uıymy arasynda ózara túsinistik týraly memorandýmǵa qol qoıyldy. Memorandým dinı birlestikter ókilderi men memleket arasynda dinı bostandyqtardy iske asyrý jáne adamnyń negizgi quqyqtaryn saqtaý máselelerinde dıalogty jetildirýge múmkindik beredi.
