Tanymal amerıkalyq kınorejısser, Oskar syılyǵynyń ıegeri Olıver Stoýn “QAZAQ History Of the Golden Man” («QAZAQ: Altyn adamnyń tarıhy») derekti fılminiń treılerin usyndy, dep habarlaıdy «Adyrna» tilshisi.
Týyndyda Nursultan Nazarbaev pen Qazaqstan týraly aıtylady. Sondaı-aq Olıver Stoýnnyń Elbasymen bolǵan suhbatynan úzindiler keltirilgen.
Joba avtory derekti fılmniń segiz saǵatqa sozylatynyn málimdedi.
«Nazarbaevty ózińiz qalaǵandaı atańyz: dıktator, myqty adam, tıran, quryltaıshy. Dese de, sońynda siz eldiń táýelsiz bolýyn mańyzdy dep sanaıtyn, ıadrolyq qarýdan bas tartý týraly oılaıtyn qarapaıym adamdy kóresiz»,—dedi ol.
«Adyrna» ulttyq portaly
