«Ata dombyra» atty ádebı-sazdy kesh

2631
Adyrna.kz Telegram

«Alataý» dástúrli óner teatrynda Ulttyq dombyra kúnine oraı «Ata dombyra» atty ádebı-sazdy kesh ótti (Teatr dırektory: Rınat Zaıtov, Qoıýshy-rejısser: Juldyzbek Jumanbaı). Jyl saıyn atalyp ótetin ultymyzdyń tereń tamyrly mádenıetin asqaqtatatyn merekeniń ulttyq rýhanııatymyzǵa qosar úlesi zor.

Túrkitanýshy, ǵalym Qarjaýbaı Sartqoja «Ata dombyra» atty maqalasynda kóne dombyranyń tabylǵan orny jaıly bylaı deıdi:
«Mońǵol Altaı jotasynyń bir silemi Jarǵalant-Qaıyrqan taýy. Osy taýdyń «Ómnóhón aman» (Aldyńǵy saı) degen jerinde ornalasqan Núhen-had (Úńgir tas) degen úńgirden tabylǵan.


2008 jyly osy jerdiń turǵyny N.Dandar degen shopan alǵash úńgirge tap bolyp, onyń ishinde moıny qısyq saz aspaby bar ekenin aýyl mektebiniń muǵalimi Ch.Enhtór degen azamatqa habarlaıdy. Muǵalim Ch.Enhtór Ulan-Batyr qalasynda ornalasqan Mońǵolııa Respýblıkasy Ǵylym Akademııasynyń Arheologııa ınstıtýtyna aqparat jetkizip, arheologtardy shaqyrtady».

Murat Ábýǵazy bolsa óziniń «Dombyra aspabynyń shyǵý tegi jaıynda» atty maqalasynda «Ejelgi túrik dáýirinde dombyra aspaby keńinen qoldanysqa ıe bolǵandyǵyn osy kezeńniń jádigerleri sanalatyn eskertkishter balbal tastarǵa, qylysh-qanjar syndy qarý-jaraqtardyń sabyna qashalyp salynǵan dombyra aspabyn ustap turǵan adam beınelerinen kórýge bolady», – deıdi.

(Sýretter ashyq derekkózderden alyndy)

Qýanysh Jumabekuly
PhD doktory,
«Alataý» dástúrli óner teatry Ádebıet bóliminiń basshysy

Pikirler