Negizi koronavırýstan qaıtys bolǵandar sany óte kóp

1891
Adyrna.kz Telegram

Byltyr koronavırýstan kóz jumǵandardyń sany densaýlyq saqtaý mınıstrligi usynǵan statıstıkadan áldeqaıda kóbirek boldy. Mundaı sheshimge "Sandj" zertteý ortalyǵynyń mamandary kelip otyr, dep habarlaıdy “Adyrna” ulttyq portaly 31 arnanyń "Informbıýro" jańalyqtar baǵdarlamasyna silteme jasap.

Zertteý ortalyǵynyń dırektory, áleýmettanýshy Janar Jandosova mınıstrlik COVID-19-dan kóz jumǵandardyń sanyn eseptegende qatelikke boı aldyrdy deıdi.

"Jalpy 2015-2019 jyldary elimizde shamamen 130 myń (jyl saıyn) adam kóz jumǵan. Bul turaqty kórsetkish. 2020 jyly 162 myń qazaqstandyq baqılyq bolǵan. Baıqaǵanymyzdaı, ótken jyldarmen salystyrǵanda 32 myń adamǵa joǵary. Bul alańdatýshylyq týǵyzady. Biraq densaýlyq saqtaý mınıstrligi byltyr koronavırýstan 3 myń naýqas kóz jumdy dep jarııalady. Sonda olar sandardy on ese azaıtyp otyr. Meniń oıymsha, bizdiń elde COVID-19-dan kóz jumǵandardyń statıstıkasy qatań baqylanady. Iaǵnı koronavırýstan óldi dep aıtý úshin dárigerler naýqastyń PTR-testiniń aýrýǵa degen oń nátıjesin kórýi tıis. Al bizde ótken jyly koronavırýstan kóz jumǵandardyń kóbinde PTR-test bolmady, olarǵa óler aldynda mundaı tekserý jasalmady", – deıdi ol.

Sózinshe, aldaǵy ýaqytta vedomstvo bul statıstıkany qaıta qaraýy múmkin.

"Aldaǵy ýaqytta Dúnıejúzilik densaýlyq saqtaý uıymy shynaıy statıstıkany mindetti túrde talap etedi. Buǵan qosa, densaýlyq saqtaý mınıstri Alekseı oı osy jyly aqpanda kóz jumǵandar sanyn qaıta qarap, taǵy eki myń adamdy qosqan edi. Bul máseleni sheshýge degen oń betburystar oryn alyp jatqanyn kórsetedi. Mysaly, qazir tek PTR-test boıynsha ǵana emes, sımptomdar boıynsha da COVID-19 degen dıagnozdar qoıylýda. Densaýlyq saqtaý mınıstrligi sandarǵa muqııat bolǵany jón. Kelip túsken statıstıka ábden saraptalýy kerek. Bizde analıtıkalyq taldaýlar joqtyń qasy. Statıstıkany, sandardy saraptaýǵa qarajat aıaýǵa bolmaıdy. Aımaqtar boıynsha kelip túsetin aqparat tolyǵymen zerdelenýi qajet", – dedi áleýmettanýshy.

Pikirler