S&P Global reıtıng agenttigi «Kaspi Bank» AQ reıtıngteri boıynsha boljamdy «Jaǵymdy» deńgeıine kóterip, kredıt sapasynyń joǵarylyǵyn atap ótti

2309
Adyrna.kz Telegram

29 maýsym kúni S&P Global Ratings halyqaralyq reıtıng agenttigi «Kaspi Bank» AQ-tyń reıtıngteri boıynsha boljamdy «Jaǵymdy» deńgeıine deıin kóterdi.

S&P Global birneshe mańyzdy faktorlardy aıtyp ótti:

  • Ótken jyly basqa qazaqstandyq jáne reseılik bankterge qaraǵanda Kaspi-diń kredıt shyǵyndary aıtarlyqtaı tómen boldy.
  • COVID-19 pandemııasyna qaramastan Kaspi-diń rezervterdi (táýekelderdiń quny) qalyptastyrýǵa baǵyttalǵan shyǵyny besjyldyq tómengi kórsetkish 1.7% deńgeıine tústi. Bul birinshi kezekte nesıelik sheshimderdi qabyldaý sharalarynyń tıimdiligine baılanysty.
  • Quramyna Kaspi Bank kiretin Kaspi.kz 2021 jyly tólem jáne elektrondy kommerııa segmentinde aıtarlyqtaı ósim kórsetýin jalǵastyrýda. Aı saıyn belsendi klıentterdiń sany 10 mln adamǵa jetip otyr, al ortasha kapıtalǵa qaıtarý kórsetkishi rekordtyq mánge - 85%-ǵa jetti.

Kaspi.kz-tiń basshysy Mıhaıl Lomtadze bylaı atap ótti:

«Reıtıngter boıynsha boljamnyń jaqsarýy – Qazaqstanda jasalǵan bıznes-modelimizdiń biregeı ekeniniń kezekti dáleli. Kredıttik portfeldiń joǵary sapasy birinshi kezekte kredıttik sheshimder qabyldaǵan kezde eń zamanaýı tehnologııalardy paıdalanýymyzǵa baılanysty. Kaspi qazaqstandyq banktermen salystyrǵanda ǵana emes, reseılik banktermen salystyrǵanda da óte jaqsy kórsetkishterdi kórsetip otyr, bul komandamyzǵa bólek maqtanysh faktory».

S&P Global sondaı-aq emıtenttiń uzaq merzimdi jáne qysqa merzimdi kredıt reıtıngterin «BB - / B» deńgeıinde jáne ulttyq shkala boıynsha «kzA» reıtıngin rastady.

 

Pikirler